Salaar : యంగ్ రెబల్ స్టార్ ప్రభాస్ హీరోగా కేజీఎఫ్ దర్శకుడు ప్రశాంత్ నీల్ దర్శకత్వంలో రూపొందిన సలార్ సినిమా ను డిసెంబర్ 22న విడుదల చేయబోతున్న విషయం తెల్సిందే. సినిమా విడుదల తేదీ దగ్గర పడుతున్న నేపథ్యం లో అభిమానులు ఎప్పుడెప్పుడు ట్రైలర్ ని విడుదల చేస్తారా అంటూ ఆసక్తిగా ఎదురు చూస్తున్నారు. ఎట్టకేలకు ట్రైలర్ విషయంలో మేకర్స్ ఒక నిర్ణయానికి వచ్చినట్లుగా తెలుస్తోంది.
ట్రైలర్ ను మొదట సినిమా విడుదలకు సరిగ్గా నెల ముందు అంటూ నవంబర్ మూడో వారం లో విడుదల చేయాలని భావించారు. కానీ ఇప్పుడు ఆ నిర్ణయాన్ని మార్చుకుని ప్రభాస్ పుట్టిన రోజు సందర్భంగా అక్టోబర్ 23న విడుదల చేయాలని నిర్ణయించుకున్నట్లుగా తెలుస్తోంది. ఇప్పటికే ట్రైలర్ కట్ పూర్తి అయిందని సినీ వర్గాల ద్వారా సమాచారం అందుతోంది.
సినిమా విడుదలకు రెండు నెలల ముందు ట్రైలర్ ను విడుదల చేయడం సరైన నిర్ణయమా అంటూ కొందరు అనుమానాలు వ్యక్తం చేస్తున్నారు. ఏమైనా తేడా కొడితే విడుదలకు రెండు లేదా మూడు వారాల ముందు రిలీజ్ ట్రైలర్ అంటూ తీసుకు వచ్చే అవకాశాలు ఉన్నాయి. కనుక ప్రభాస్ బర్త్ డే కి సలార్ ట్రైలర్ ను తీసుకు వచ్చే ఉద్దేశ్యంతో మేకర్స్ ఉన్నట్లుగా తెలుస్తోంది.