Upasana: టాలీవుడ్ (Tollywood) లో మెగా ఫ్యామిలీ (Mega Family) అంటే ఒక సందడి. ఒక బ్రాండ్. ముఖ్యంగా చిరంజీవి (Chiranjeevi). ఆయనొక ఇన్ స్పిరేషన్ పర్సనాలిటీ. నిత్యం సినిమాలతో బిజీ. పరిశ్రమ బాగుండాలనే అభిలాష. కొత్తవారిని ప్రోత్సహించే మంచితనం. అందుకే ఆయనంటే అందరికీ గౌరవం. ఇప్పుడు చిరంజీవి శ్రీమతి కూడా ఇన్ స్పిరేషన్ పర్సనాలిటీగా నిలుస్తున్నారు. 60పదుల్లో ఏమాత్రం శ్రమించే అవసరంలేకున్నా కూడా.. ‘అత్తమ్మాస్ కిచెన్’ (Athamma’s Kitchen) పేరుతో ఔత్సాహిక మహిళలకు, యువతులకు ఆదర్శంగా నిలుస్తూ ఫుడ్ బిజినెస్ ప్రారంభించారు.
అచ్చం ఇంటి రుచులను తలపించేలా.. డ్రై హోమ్ ఫుడ్స్ అందించడమే వీరి లక్ష్యం. ఈక్రమంలో ఇప్పుడు తెలుగువారి అభిమాన రుచి ‘ఆవకాయ’ పట్టారు. ఇందుకు సంబంధించిన వీడియో కోడలు ఉపాసన (Upasana) సోషల్ మీడియాలో పోస్ట్ చేశారు. అత్తగారు అంజనాదేవి సమక్షంలో సురేఖ ఆవకాయ పడుతుంటే ఉపాసన సరదా సంభాషణతో వీరి కుటుంబం స్పెషల్ ఏంటో మరోసారి చూపారు. ‘కోపంగా ఉన్నారేంటి నానమ్మా.. అంటే అదేమీ లేదన్నారు అంజనాదేవి. మీ కోడలు పచ్చడి సరిగా పట్టడం లేదా అంటే.. నువ్వున్నావ్ కదా కోడలివి.. అంటూ సరదాగా బదులిచ్చారు అంజనాదేవి. లివింగ్ రూమ్ కిచెన్ రూమ్ గా మారిపోయింది’ అంటూ ఉపాసన సరదాలు పంచారు.
ప్రస్తుతం ఈ వీడియో నెట్టింట వైరల్ అవుతోంది. ఈ సందర్భంగా ఉపాసన.. ‘ఈ వయసులో సురేఖగారు వ్యాపార రంగంలోకి రావడం ఎందరికో ఇన్ స్పిరేషన్. ఇలాగే మహిళలు రాణిస్తే దేశం ఆర్ధికంగా పురోభివృద్ధి సాధిస్తుంది. అందరూ అలా రాణించాలని కోరుకుంటున్నా’నని అన్నారు.
View this post on Instagram