ఇతరుల భార్యల్ని ‘పెళ్ళాలు’ అనడాన్ని సభ్య సమాజం హర్షించదు. భార్యల్ని కార్లతో పోల్చడం అత్యంత జుగుప్సాకరం.! ఈ విషయమై కనీస సంస్కారం లేకుండా ఆంధ్ర ప్రదేశ్ ముఖ్యమంత్రి వైఎస్ జగన్ మోహన్ రెడ్డి పదే పదే దిగజారుడు వ్యాఖ్యలు చేస్తున్నారు. అదీ జనసేన అధినేత పవన్ కళ్యాణ్‌ని ఉద్దేశించి.
మామూలుగా అయితే, ‘కాలుకి కాలు.. కన్నుకి కన్ను..’ అన్న చందాన, ‘కుక్క కాటుకి చెప్పు దెబ్బ..’ అన్న చందాన.. జనసేన అధినేత పవన్ కళ్యాణ్ కూడా, వైఎస్ జగన్ మోహన్ రెడ్డి వ్యక్తిగత జీవితం గురించీ, వైఎస్ జగన్ సతీమణి భారతి గురించీ ఇలాగే మాట్లాడొచ్చు. కానీ, పవన్ కళ్యాణ్ అలా కాదు.
‘నువ్వు సంస్కార హీనుడివి జగన్..’ అని గతంలోనే, పవన్ కళ్యాణ్ వైఎస్ జగన్ మోహన్ రెడ్డికి కౌంటర్ ఎటాక్ ఇచ్చారు, ‘పెళ్ళిళ్ళు.. భార్యలు.. కార్లు..’ అంటూ జగన్ చేసిన విమర్శలపై. ‘ఏం, నేను నీ భార్య గురించి మాట్లాడలేకనా.? కానీ, మాకు సంస్కారం అడ్డొస్తుంది.. అందుకే, మేం బాధ్యతగా వ్యవహరిస్తున్నాం..’ అని గతంలో పలు మార్లు జనసేన అధినేత పవన్ కళ్యాణ్, అల్టిమేటం జారీ చేశారు వైఎస్ జగన్ మోహన్ రెడ్డికి.
అయినా, వైఎస్ జగన్ మోహన్ రెడ్డి మారలేదు. సమీప భవిష్యత్తులో మారతారనీ అనుకోలేం.! ‘కుక్క తోక వంకర.. అలాగే, జగన్ మోహన్ రెడ్డి బుద్ధి కూడా వంకర..’ అని జనసేన నేతలు, వైఎస్ జగన్ తీరుపై మండిపడుతున్నారు.
తాజాగా, జనసేన అధినేత పవన్ కళ్యాణ్ తన మీద వైఎస్ జగన్ చేసిన వ్యక్తిగత విమర్శలపై స్పందించారు. మచిలీపట్నంలో నిర్వహించిన ఎన్నికల ప్రచార సభ సందర్భంగా మాట్లాడిన పవన్ కళ్యాణ్, ‘ప్రజా జీవితంలో పెళ్ళాలు అనే మాట ఎలా వాడగలుగుతున్నావ్ జగన్.? నీకసలు సంస్కారం వుందా..’ అని నిలదీశారు.
‘నీలా నేను మాట్లాడటం ఎంత సేపు.?’ అంటూ స్ట్రాంగ్ వార్నింగ్ ఇచ్చారు పవన్ కళ్యాణ్. కానీ, ఇలాంటి వార్నింగులు వైఎస్ జగన్ తలకెక్కవుగాక ఎక్కవు.! పవన్ కళ్యాణ్ నోరు జారితే పోయేది భారతి రెడ్డి పరువు. ఇందులో ఇంకో మాటకు తావు లేదు.
తన జీవిత భాగస్వామిపై అట్నుంచి కౌంటర్ ఎటాక్ వస్తుందని తెలిసే, వైఎస్ జగన్ ఇంతలా తన రాజకీయ ప్రత్యర్థుల్ని రెచ్చగొడుతున్న వైనంపై వైఎస్ భారతి అప్రమత్తంగా వుండాలి. ఓ విజయమ్మ, ఓ షర్మిల.. ఓ భారతి.. రాజకీయానికొస్తే, వైఎస్ జగన్ ఎవర్నయినా ఒకేలా చూస్తారేమో.!