Aamir Khan : బాలీవుడ్ సూపర్ స్టార్ ఆమీర్ ఖాన్ కూతురు ఐరా ఖాన్ మరియు నుపుర్ లు గత కొన్నాళ్లుగా ప్రేమలో ఉన్న విషయం తెల్సిందే. ఆమీర్ ఫిట్ నెస్ ట్రైనర్ నుపుర్ అనే విషయం తెల్సిందే. వీరిద్దరూ కరోనా సమయంలో పరిచయం అయ్యారు. డిప్రెషన్ లో ఉన్న ఐరా ఖాన్ కి బాసటగా నిలిచిన నుపుర్ ఆమెను పెళ్లి చేసుకోబోతున్నాడు.
తాజాగా ఆమీర్ ఖాన్ మీడియాతో మాట్లాడాడు. జనవరి 3న ఐరా – నుపూర్ ల వివాహం ను చేయాలని మేము నిర్ణయించుకున్నాం. నుపుర్ మంచి అబ్బాయి. ఐరా అతడితో ఉన్న సమయంలో చాలా సంతోషంగా ఉంటుందని నేను భావిస్తున్నాను. ఐరా ఇబ్బందుల్లో ఉన్న సమయంలో నుపూర్ బాసటగా ఉన్నాడు.
ఐరా – నుపూర్ ల వివాహం సమయంలో నేను కచ్చితంగా భావోద్వేగానికి గురి అవుతాను. ఆ రోజు నేను ఏడుస్తాను. ఇప్పటి ఆ రోజు నన్ను జాగ్రత్తగా చూసుకోవాలని నా సన్నిహితులు మాట్లాడుకుంటున్నారు. నేను సంతోషాన్ని, బాధను కంట్రోల్ చేసుకోలేను. అందుకే ఆ రోజు నేను కచ్చితంగా కన్నీళ్లు పెట్టుకుంటాను అన్నట్లుగా ఆమీర్ ఖాన్ పేర్కొన్నాడు.