Siddarth: హీరో సిద్ధార్ధ్ (Siddarth), హీరోయిన్ అదితి రావు హైదరీ (Aditi Rao Hydari) వివాహ బంధంతో ఒక్కటయ్యారు. వనపర్తి జిల్లాలోని శ్రీ రంగాపూర్ రంగనాధస్వామి ఆలయంలో వీరి వివాహం బుధవారం జరిగింది. ఇరు కుటుంబాల పెద్దలు, అతికొద్దిమంతి సన్నిహితుల మధ్య వీరి వివాహం జరిగింది. అయితే.. వివాహంపై వీరిరువురూ ఇంకా స్పందించలేదు.
వనపర్తి సంస్థానాధీశుల వారసుల్లో అదితి ఒకరు. అందుకే వీరి వివాహం వారి సంస్థానానికి చెందిన దేవాలయంలో జరిగిందని చెప్తునారు. సిద్ధార్ద్, అదితి ఇద్దరికీ ఇది రెండో వివాహం. గతంలో మేఘన అనే మహిళను పెళ్లి చేసుకున్న సిద్ధార్ధ్ 2012లో విడాకులు తీసుకున్నారు. సత్యదీప్ మిశ్రాతో వివాహమైన అదితి 2007లో విడిపోయారు.
అజయ్ భూపతి దర్శకత్వంలో తెరకెక్కిన మహా సముద్రం సినిమాలో వీరిద్దరూ కలిసి నటించారు. అప్పట్లో వీరి మధ్య కుదిరిన స్నేహం ప్రేమగా మారిందని వార్తలు వచ్చాయి. పలు పార్టీలు, ఫంక్షన్లకు కూడా కలిసి వెళ్లారు. అయితే.. తాము స్నేహితులం మాత్రమే అని వచ్చిన గాసిప్స్ పై స్పందించారు.