Kalki 2898AD : యంగ్ రెబల్ స్టార్ ప్రభాస్ హీరోగా మహానటి దర్శకుడు నాగ్ అశ్విన్ దర్శకత్వంలో రూపొందుతున్న కల్కి 2898 ఏడీ సినిమా విడుదల విషయంలో సస్పెన్స్ నెలకొంది. మే 9న విడుదల చేయబోతున్నట్లు ఇటీవలే కొత్త తేదీని ప్రకటించారు. వైజయంతి మూవీస్ వారికి ఆ తేదీ చాలా సెంటిమెంట్.
కచ్చితంగా ఆ తేదీ కి విడుదల చేయాలని భావించిన కల్కి టీం కి ఎలక్షన్ కమీషన్ పెద్ద షాక్ ఇచ్చింది. ఎన్నికల షెడ్యూల్ విడుదల అయిన తర్వాత ఆ సమయంలో విడుదల సాధ్యం కాదని తేలిపోయింది. పార్లమెంట్ ఎన్నికల హడావుడి దేశ వ్యాప్తంగా ఉన్న సమయంలో కల్కి విడుదల రిస్క్ తో కూడుకున్నది. అందుకే విడుదల వాయిదా వేశారు.
ఇప్పుడు కల్కి రిలీజ్ ఎప్పుడు అనే పెద్ద ప్రశ్న తలెత్తుతుంది. మే నుంచి వాయిదా పడితే ఆగస్టు లో మంచి టైం ఉంది. అయితే ఆగస్టు లో పుష్ప రాబోతున్నాడు. అక్టోబర్ లో దేవర రాబోతున్నాడు. కనుక ముందే అంటే జూన్ చివర్లో లేదా జులై లో కల్కి ని విడుదల చేయాల్సి ఉంటుంది. ఆ ఒక్కటే కల్కి ముందు ఉన్న ఆప్షన్ అంటూ ఇండస్ట్రీ వర్గాల వారు అభిప్రాయం వ్యక్తం చేస్తున్నారు.
ప్రభాస్ తో పాటు కల్కి సినిమాలో అమితాబచ్చన్, కమల్ హాసన్, దీపికా పదుకునే, దిశా పటానీ ఇంకా ప్రముఖ స్టార్ లు ఈ సినిమాలో కనిపించబోతున్నారు. టైమ్ ట్రావెల్ కాన్సెప్ట్ తో రూపొందిన ఈ సినిమా పాన్ వరల్డ్ మూవీగా విడుదల అవ్వబోతుంది.