Ram Charan: తండ్రి నుంచి వారసత్వం మాత్రమే కాదు.. రాజసం కూడా పుణికిపుచ్చుకుంటే ఆ కొడుకును చూసి తండ్రి మురిసిపోతాడు. కుటుంబ పేరు ప్రతిష్టలను కూడా ముందుకు తీసుకెళ్తే సమాజం శెభాష్ అంటుంది. తెలుగు సినిమాను దశాబ్దాలుగా ఏలిన మెగాస్టార్ చిరంజీవి ఇప్పుడు ఇదే పుత్రోత్సాహంలో ఉన్నారు. తనయుడు రామ్ చరణ్ విజయాలు, కీర్తిని చూసి. అభిమానులు తండ్రి పేరు నిలబెట్టిన వారసుడని కొనియాడుతున్నారు. అయితే.. రామ్ చరణ్ తండ్రి లెగసీని మాత్రమే కాదు.. ఆయనలోని సేవా గుణాన్ని సైతం అలవర్చుకున్నాడు. అందుకే రామ్ చరణ్ అంటే గ్లోబల్ స్టార్ మాత్రమే కాదు.. సహృదయం, మానవత్వం ఉన్న హీరో. రామ్ చరణ్ ను దగ్గర నుంచి చూసిన ఎవరైనా చెప్పే మాట.. దానగుణంలో కూడా తండ్రికి తగ్గ తనయుడని. ఆయన చేసే గుప్త దానాలు బయటకు రావనే.
హైదరాబాద్-సికింద్రాబాద్ నగరాల చిరంజీవి అభిమాన సంఘం అధ్యక్షుడు నూర్ అహ్మద్ దశాబ్దాలుగా చిరంజీవిపై అభిమానం. సినిమా హీరోగానే కాకుండా చిరంజీవిలోని సామాజిక దృక్పధానికి కూడా అభిమాని. చిరంజీవి మనసు గెలుచుకున్న అభిమానుల్లో ఆయన ఒకరు. కొంతకాలం క్రితం ఆయన కన్నుమూశారు. చిరంజీవి వారి కుటుంబాన్ని పరామర్శించారు.. ఆదుకున్నారు. రామ్ చరణ్ కూడా నూర్ పిల్లల పెళ్లీడుకు వచ్చారని తెలుసుకుని వారికి 10లక్షల ఆర్ధికసాయం చేశారు. భారతదేశంలోనే ఒక అభిమాని కుటుంబానికి ఓ హీరో ఇచ్చిన పెద్ద మొత్తంగా దీనిని చెప్పాలి. మహబూబ్ నగర్లోని ఉన్న అభిమాని అనారోగ్యంతో బాధపడుతున్నారని తెలుసుకుని ఆయన ఆసుపత్రి ఖర్చులు, వారి పిల్లల చదువుకు అయ్యే ఖర్చును కూడా భరిస్తున్నారు. చిరంజీవి చేస్తున్న సాయానికి ఇది అదనం.
ఉమ్మడి పశ్చిమగోదావరి జిల్లా కొవ్వూరు పట్టణానికి చెందిన మరో అభిమాని కుటుంబంలో 4ఏళ్ల బాబుకి లివర్ సమస్య వచ్చిందని తెలుసుకుని రామ్ చరణ్ వెంటనే స్పందించారు. పేద కుటుంబం కావడంతో ఆపరేషన్ కు సంబంధించిన మొత్తాన్ని.. ప్రతి నెలా వారి కుటుంబానికి సాయం అందిస్తూనే ఉన్నారు. ఇవే కాదు.. గుప్తదానాలుగా రామ్ చరణ్ చేస్తున్న ఎన్నో సహాయాలు వెలుగులోకి రావని ఆయన్ను దగ్గర నుంచి చూసేవారు చెప్తారు. ఇది గొప్ప విషయం. తమ కుటుంబంపై చూపుతున్న అభిమానానికి ముగ్దుడై రామ్ చరణ్ కూడా తన వంతుగా సాయం అందించడం గొప్ప విషయం. ఇదే రామ్ చరణ్ ను ఉన్నతంగా నిలబెడుతోంది. హీరోగా దక్కించుకున్న అభిమానం కంటే.. సేవా కార్యక్రమాలు, సహాయాలతో రామ్ చరణ్ మరింత ఉన్నతంగా కనిపిస్తున్నారని చెప్పాలి.