Ram Charan : మెగా ఫ్యాన్స్ గత కొన్ని రోజులుగా ఎంతో ఆసక్తిగా ఎదురు చూస్తున్న రామ్ చరణ్ బర్త్డే మరి కొన్ని గంటల్లో రాబోతుంది. మార్చి 27న మెగా ఫ్యాన్స్ కి పెద్ద పండుగ అవ్వబోతుంది. ఇప్పటికే మగధీర సినిమా రీ రిలీజ్ కి ఏర్పాట్లు జరిగాయి. ఇక ప్రస్తుతం చరణ్ నటిస్తున్న గేమ్ చేంజర్ నుంచి ఒక పాట రాబోతుంది.
గేమ్ చేంజర్ నుంచి జరగండి అంటూ ఒక మాస్ మసాలా సాంగ్ ను దర్శకుడు శంకర్ విడుదల చేసేందుకు ఏర్పాట్లు చేస్తున్నాడు. అన్ని భాషల్లో కూడా ఈ పాటను విడుదల చేసేందుకు ఇప్పటికే రెడీ చేశారు. చరణ్ బర్త్ డే కి శంకర్ నుంచి వచ్చే అతి పెద్ద గిఫ్ట్ ఇదే అన్నట్లుగా ఫ్యాన్స్ మాట్లాడుకుంటున్నారు.
ఇక మగధీర సినిమా రీ రిలీజ్ కి వెళ్లిన మెగా ఫ్యాన్స్ ను సర్ ప్రైజ్ చేసే విధంగా గేమ్ ఛేంజర్ సినిమా యొక్క పాటను కూడా స్క్రీనింగ్ చేయబోతున్నారు. చరణ్ ఫ్యాన్స్ కి రేపు థియేటర్లలో డబుల్ ధమాకా ఖాయం అంటూ మెగా వర్గాల నుంచి సమాచారం అందుతోంది.