ఆంధ్రప్రదేశ్లో వైఎస్ జగన్ ప్రభుత్వం కొత్త ఇండస్ట్రియల్ పాలసీని ప్రకటించింది. రాష్ట్రంలో పారిశ్రామికాభివృద్ధికి ఈ కొత్త పాలసీ దోహదం చేస్తుందనీ, ముఖ్యమంత్రి వైఎస్ జగన్ ఆలోచనలకు తగ్గట్టుగా ఈ కొత్త పాలసీని రూపొందించామని మంత్రి మేకపాటి గౌతవ్ు రెడ్డి ప్రకటించారు. అయితే, రాష్ట్రంలో ఇప్పటికే వివిధ రంగాల్లో ‘కొత్త పాలసీలు’ చూసిన రాష్ట్ర ప్రజానీకం, ఈ కొత్త ఇండస్ట్రియల్ పాలసీ మీద పెద్దగా ఆశలు పెట్టుకునే పరిస్థితి కన్పించడంలేదు.
కొత్త ఇసుక పాలసీ ఏమయ్యిందో చూశాం. కొత్త మద్యం పాలసీ ఎలా తయారైందో చూస్తూనే వున్నాం. కొత్త పాలసీ పేరుతో ఇసుక లభ్యతను కొన్నాళ్ళపాటు తగ్గించేసిన వైఎస్ జగన్ ప్రభుత్వం, కొత్త పాలసీ తీసుకొచ్చాక కూడా ఇసుక కొరతని అలాగే కొనసాగిస్తోంది. ఈ క్రమంలో రాష్ట్రంలో భవన నిర్మాణ రంగం పూర్తిగా పడకేసిన మాట వాస్తవం. మరోపక్క, మద్యం పాలసీ పరిస్థితీ అలాగే తయారయ్యింది. మద్యం ధరల్ని పెంచేయడంతే, మందుబాబులు శానిటైజర్లను, నాటు సారానీ, కల్తీ కల్లునీ ఆశ్రయించి ప్రాణాలు కోల్పోతున్నారు. ఇలా ఏ పాలసీకి ఆ పాలసీనే పెద్ద ఫెయిల్యూర్గా మారిపోతున్న దరిమిలా, ఇండస్ట్రియల్ పాలసీ పేరుతో కొత్త పబ్లిసిటీ స్టంట్ అవసరమా.? అన్న ప్రశ్న విపక్షాల నుంచే కాదు, సాధారణ ప్రజానీకం నుంచి కూడా ఉత్పన్నవుతోంది.
అయితే, పారిశ్రామికాభివృద్ధికి ప్రభుత్వాలు కొత్త కొత్త పాలసీలు ప్రకటించడం మామూలే. కానీ, ఇక్కడ పాలకుల్లో చిత్తశుద్ధిని బట్టే ఆయా పాలసీలు హిట్టవుతాయా.? ఫట్లవుతాయా.? అన్నది తేలుతుంది. రాష్ట్రంలో రాజధాని పేరుతో సంక్షోభం కొనసాగుతోంది. రాజధాని విషయంలో కొనసాగుతోన్న ఈ సంక్షోభం పారిశ్రామికాభివృద్ధికి పూర్తిగా ఇబ్బందికరం. ఇందులో ఇంకో మాటకు తావు లేదు. ఏడాది కాలంగా రాష్ట్రానికి రాజధాని ఏది.? అన్నదానిపై గందరగోళాన్ని కొనసాగిస్తోన్న వైఎస్ జగన్ ప్రభుత్వం, మూడు రాజధానుల విషయంలో అనేక సమస్యల్ని ఎదుర్కొంటోన్న విషయం విదితమే.
వ్యవహారం కోర్టు పరిధిలోకి వెళ్ళిన దరిమిలా.. ఈ అంశంపై ఎప్పుడు స్పష్టత వస్తుందనేది ఇప్పుడే చెప్పలేం. ఈ తరుణంలో ఇండస్ట్రియల్ పాలసీ.. అంటూ కొత్త ప్రచారం షురూ చేసినా, దాని వల్ల పెద్దగా ఉపయోగం వుండకపోవచ్చు. సంక్షేమ పథకాల పేరుతో ఓటు బ్యాంకు రాజకీయాలకు మొగ్గు చూపుతుండడం, అభివృద్ధి మీద శీతకన్నేయడం.. ఇవన్నీ రాష్ట్రంలో పారిశ్రామికాభివృద్ధికి ఆటంకంగా మారాయన్నది నిర్వివాదాంశం.
938468 648029We dont trust this wonderful submit. Nevertheless, I saw it gazed for Digg along with Ive determined you can be appropriate so i ended up being imagining within the completely wrong way. Persist with writing top quality stuff along these lines. 674876
760113 865182Fantastic post, thank you so significantly for sharing. Do you happen to have an RSS feed I can subscribe to? 100293