Jr.Ntr: యంగ్ టైగర్ జూనియర్ ఎన్టీఆర్( Jr NTR) కి మనదేశంలోనే కాదు జపాన్ లో కూడా అభిమానులు ఉన్న విషయం తెలిసిందే. జూనియర్ పాటలకు సదరు అభిమానులు స్పూఫ్ వీడియోలు చేస్తూ సోషల్ మీడియాలో సందడి చేస్తూ ఉంటారు. తాజాగా ఎన్టీఆర్ పై జపాన్ విదేశీ వ్యవహారాల శాఖ మంత్రి యోషిమాసా హయాషి ఇంట్రెస్టింగ్ కామెంట్స్ చేశారు. రెండు రోజులు పర్యటనలో భాగంగా ప్రస్తుతం ఆయన భారత్ లో పర్యటిస్తున్నారు.
ఈ సందర్భంగా ఇండియన్ మూవీస్ పై తన అభిప్రాయం గురించి మాట్లాడారు. ఇక్కడి సినిమాలకు జపాన్ లో మంచి ఆదరణ లభిస్తోందన్నారు. ఇటీవల అక్కడ విడుదలైన ‘ఆర్ఆర్ఆర్( RRR)’ చిత్రం తమ ప్రజలకు బాగా నచ్చిందన్నారు. ఈ క్రమంలో ఆయనకి ‘ఆర్ఆర్ఆర్’ లో మీకు ఏ హీరో నచ్చారు?’ అనే ప్రశ్న ఎదురవ్వగా.. ‘రామారావు జూనియర్ నా ఫేవరెట్ హీరో’ అని మంత్రి సమాధానమిచ్చారు. ప్రస్తుతం ఈ వీడియో నెట్టింట వైరల్ అవుతోంది.
దర్శక ధీరుడు రాజమౌళి( Rajamouli) దర్శకత్వం వహించిన ‘ఆర్ఆర్ఆర్’ ఈ మధ్య జపాన్ లోనూ విడుదలైంది. ఈ సినిమాలో రామ్ చరణ్( Ram Charan), జూనియర్ ఎన్టీఆర్( Jr NTR) వేసిన ‘నాటు నాటు’ పాట స్టెప్పులకు అక్కడ జనాలు ఫిదా అయ్యారు. ఈ సినిమాకి కూడా బ్రహ్మరథం పట్టారు. కొన్ని రోజుల క్రితం విడుదలైన ‘రంగస్థలం’ సినిమా కూడా అక్కడ ప్రేక్షకాదరణ పొందింది.