Kodali Nani: మాజీ మంత్రి, గుడివాడ ఎమ్మెల్యే కొడాలి నాని (Kodali Nani) అస్వస్థతకు గురయ్యారు. గురువారం గుడివాడలోని తన స్వగృహంలో నందివాడ వైసీపీ నాయకులతో ఆయన సమావేశం అయ్యారు. వారితో మాట్లాడుతూండగానే ఒక్కసారిగా కుప్పకూలిపోయారు. దీంతో ఆయన గన్ మెన్లు, వ్యక్తిగత సిబ్బంది, నాయకులు కుటుంబసభ్యులకు వైద్యులకు సమాచారం అందించారు.
అయితే.. నాని ఒక్కసారిగా ఎందుకు అస్వస్థతకు గురయ్యారనేది తెలియరాలేదు. విషయం తెలుసుకున్న ఆయన అభిమానులు ఎక్కువ సంఖ్యలో ఆయన ఇంటికి చేరుకున్నారు. ఒంట్లో బాగోక ఆమధ్య హైదరాబాద్ లో చికిత్స తీసుకున్న విషయం తెలిసిందే. ఆయినా ఆయన అనారోగ్యానికి గురవుతూండటం కొడాలి అభిమానులను కలవరపెడుతోంది.
కొడాలి నాని అస్వస్థతకు గురైన సందర్బంలో ఆయన కుటుంబ సభ్యులు హైదరాబాద్ లో ఉన్నారు. విషయం తెలియడంతో వారు వెంటనే గుడివాడకు బయలుదేరినట్టు తెలుస్తోంది. ఇటివల జరిగిన ఏపీ ఎన్నికల సమయంలో ఆయన గుడివాడ నుంచే వైసీపీ తరపున సిట్టింగ ఎమ్మెల్యేగా పోటీ చేశారు. జూన్ 4న ఫలితాలు రానున్నాయి.