పవర్ స్టార్ పవన్ కళ్యాణ్( Pavan Kalyan) తన మేనల్లుడు సాయిధరమ్ తేజ్( Sai Dharam Tej) తో కలిసి నటించిన చిత్రం ‘బ్రో( BRO)’. ఈరోజు ఈ సినిమా ప్రేక్షకుల ముందుకి వచ్చింది. విడుదలైన అన్నిచోట్ల మంచి టాక్ తెచ్చుకుంది. ఈ సందర్భంగా చిత్ర బృందం హైదరాబాద్ లో సెలబ్రేషన్స్ చేసుకుంది. అనంతరం ప్రెస్ మీట్ ఏర్పాటు చేసి ప్రేక్షకులకు ధన్యవాదాలు తెలిపింది. ఈ కార్యక్రమంలో సాయిధరమ్ తేజ్, దర్శకుడు సముద్రఖని( Samuthirakani), నిర్మాత టీజీ విశ్వప్రసాద్, హీరోయిన్లు కేతికా శర్మ( Ketika Sharma) , ప్రియా ప్రకాష్ వారియర్( Priya prakash Warrior) పాల్గొన్నారు.
ఈ సందర్భంగా హీరో సాయిధరమ్ తేజ్ మాట్లాడుతూ..’ నా గురువు, మా మామయ్య తో కలిసి ఓ సినిమాలోని ఓ సినిమాలో నటించడమే కాకుండా అది సక్సెస్ టాక్ అందుకుంటున్న విషయాన్ని నమ్మలేకపోతున్నా. సర్ప్రైజింగ్ గా ఉంది. ఈ సినిమాకి ప్రేక్షకులు బ్లాక్ బస్టర్ హిట్ ఇస్తారని ముందుగానే ఊహించాం. ఎక్కడ కాంప్రమైజ్ కాకుండా సినిమాకి కావాల్సిన అన్ని అందించినందుకు నిర్మాతలు వివేక్ కూచిబొట్ల, టీజీ విశ్వప్రసాద్ కి ధన్యవాదాలు. ఈ సినిమా ఫైనల్ అవుట్ పుట్ బాగా రావడానికి త్రివిక్రమ్, కళ్యాణ్ మామయ్య కారణం. ఆయన స్క్రీన్ ప్లే కి తగినట్టుగా సముద్రఖని దర్శకత్వం వహించారు. ఈ సినిమా మాలో మరింత ఎనర్జీని నింపింది’ అని అన్నారు.
సముద్రఖని మాట్లాడుతూ..’ మేం ముందుగా అనుకున్నదే జరుగుతున్నందుకు సంతోషంగా ఉంది. త్రివిక్రమ్ ఏర్పాటుచేసిన ప్లే గ్రౌండ్ లో మేమంతా పర్ఫెక్ట్ గా ఆడుకున్నాం. నా కథకి తగినట్లుగా అన్ని విధాల సహకరించినందుకు నిర్మాతలకు ధన్యవాదాలు’ అని అన్నారు.
నిర్మాత టీజీ విశ్వప్రసాద్ మాట్లాడుతూ..’ పవన్ కళ్యాణ్ తో ఈ సినిమా నిర్మించినందుకు సంతోషంగా, గర్వంగా ఉంది. ఈ సినిమా మాకు చాలా కాలం గుర్తుండిపోతుంది. సముద్రఖని తక్కువ టైం లో మంచి సినిమాని అందించారు. త్రివిక్రమ్ ఈ సినిమాతో ఒక మార్క్ సెట్ చేశారు. తేజ్ మాకోసం ప్రత్యేకంగా సమయం కేటాయించి ఈ సినిమాలో భాగమైనందుకు ధన్యవాదాలు’ అని అన్నారు.
Heya i’m for the primary time here. I came across this
board and I in finding It really useful & it helped me out a lot.
I am hoping to offer one thing again and help others like you
helped me.