ఎక్స్ క్లూజివ్: ఉగాది రోజు శుభఘడియలు, ఏ టైంలో ఏం చేయాలో తెలుసా.?

తెలుగు వారికి కొత్త సంవత్సరం ఉగాదితో ఆరంభం అవుతోంది. అందుకే ఏదైనా పని మొదలు పెట్టాలన్నా లేదంటే ఏదైనా కార్యక్రమానికి అంకురార్పణ చేయాలన్నా కూడా ఉగాది రోజునే చేస్తే మంచిదని వేద పండితులు చెబుతూ ఉంటారు. ఈసారి ఉగాది 2020 మార్చి 25వ తేదీన వస్తోంది. ఆ రోజున తెలుగు రాష్ట్రాల్లో పెద్ద ఎత్తున పండుగ వాతావరణం కనిపిస్తుంటుంది. కానీ ఈసారి కరోనా వైరస్ ఎఫెక్ట్ వలన దేవాలయాలలో కాస్త జనసాంద్రత తక్కువ కనిపించే అవకాశం ఉంది. గుడికి వెళ్లినా వెళ్లకపోయినా తెలియకుండా ఉగాది రోజున కొందరు చాలా కామన్‌ గా కొన్ని తప్పులు చేస్తూ ఉంటారు. పండుగ రోజంతా ఉంటుంది కనుక చేయాలనుకున్న పనులు ఏ సమయంలో అయినా చేయవచ్చు అనుకుంటారు. కాని పంచాంగం ప్రకారం ఉగాది రోజున ఎప్పుడు ఏం చేయాలి? మంచి ఘడియలు ఎప్పుడు? ఆసమయంలో ఏం చేయాలి? అనేది ఇప్పుడు చూద్దాం.

ఓం.. శ్రీ..

శ్రీరస్తు.. శుభమస్తు.. అవిఘ్నమస్తు..

తేదీ : 25.03.2020ది బుధవారం

శ్రీ శార్వరి నామ సంవత్సరం

ఉగాది పూజ – పచ్చడి చేయాల్సిన సమయం:

25వ తేదీ, అనగా బుధవారం ఉదయం గం. 6 నుండి 11 గం. లోపు ఉగాది పూజను పూర్తి చేసుకోవాలి. ఆ సమయంలోనే ఉగాది పచ్చడిని కూడా చేయడం శుభదాయకం.

కొత్త వస్తువులు కొనుగోలు చేయడానికి మంచి సమయం :

ఉదయం 11 గంటల లోపు కొత్త వస్తువులు కొనుగోలు చేయడం మంచిది.

అకౌంట్స్‌ బుక్‌ ప్రారంభంకు శుభఘడియలు :

ఉదయం పూజ సమయంలో లేదా మద్యాహ్నం 1:30 నిమిషాల నుండి సాయంత్రం గం.4.30 లోపు కాని అకౌంట్స్‌ పుస్తకాలు ప్రారంభించుకోవడం వల్ల అంతా శుభం జరుగుతుంది. వ్యాపారాల్లో లాభాలు వస్తాయి.

ఏ టైంలో ఎటు ప్రయాణం మంచిది:

ఉగాది రోజున పడమర దిశకు ప్రయాణం చేయడం మంచిది. 25వ తేదీ ఉదయం 6గంటల నుండి 11 గంటల వరకూ అలాగే మద్యాహ్నం 1:30 నిమిషాల నుండి సాయంత్రం 4.30 నిమిషాల సమయంలో ప్రయాణాలు శుభం కలిగిస్తాయి. ఉత్తర దిశ ప్రయాణాలు కలిసిరావు.

వ్యవసాయదారులకు సలహా:

పాత నాగుళ్లకు వేప, వీడారు, వెలగ లో ఏ కర్ర అయినా ఉపయోగించి మార్పు చేసుకోవడం మంచిది.

ఈ శుభఘడియల్లో మీరు ఉగాదికి సంబంధించిన కార్యక్రమాలు నిర్వహించుకుంటారని ఆశిస్తున్నాం.

ఎల్లప్పుడు మీరు మీ కుటుంబ సభ్యులు సుఖ సంతోషాలతో సంపదతో ఉండాలని తెలుగు బులెటిన్ టీం కోరుకుంటోంది. మీకు మా తరపున హృదయపూర్వక ఉగాది శుభాకాంక్షలు.