Movie: ప్రస్తుతం ట్రెండ్ కంటెంట్, కాన్సెప్ట్ ఉన్న సినిమాలదే. అలా వచ్చిన సినిమాలను ప్రేక్షకులు ఆదరిస్తున్న విషయం తెలిసిందే. ఈ నేపథ్యంలో శ్రీ కమలహాసిని మూవీ మేకర్స్ సరికొత్త కథాంశంతో సినిమా నిర్మిస్తోంది. సస్పెన్స్, క్రైమ్, థ్రిల్లర్ జానర్‌లో ప్రొడక్షన్ నెం.1 సినిమా నిర్మిస్తోంది. లక్ష్మీ నిర్మాతగా.. శివ ప్రసాద్ సహ నిర్మాతగా వ్యవహరిస్తున్న సినిమాకు పి. చలపతి కుమార్ దర్శకత్వం వహిస్తున్నారు.
సరికొత్త పాయింట్ తో తెరకెక్కుతున్న సినిమాకు సంబంధించి పూజ కార్యక్రమాలను శ్రీ కమలహాసిని మూవీ మేకర్స్ ఆఫీస్‌లో నిర్వహించారు. త్వరలోనే నటీనటులు, సాంకేతిక బృందాన్ని ఎంపిక చేసి రెగ్యులర్ షూటింగ్‌ ప్రారంభిస్తామని మేకర్స్ తెలిపారు. ఇటివల కాలంలో ప్రేక్షకులు చూడని సరికొత్త కథాంశంతో ప్రేక్షకులు ధియేటర్లో థ్రిల్ ఫీలయ్యే అంశాలు సినిమాలో ఉంటాయని అన్నారు. సినిమా నిర్మాణంలో ఎక్కడా రాజీ పడకుండా మంచి టెక్నికల్ వాల్యూస్ తో సినిమా నిర్మాస్తామని అన్నారు. సినిమాకు మహవీర్ సంగీతం అందిస్తున్నారు.