Viral News: పెంపుడు జంతువులు మనుషులపై ఎంతటి ప్రేమ చూపిస్తాయో తెలిపేందుకు జింబాబ్వేలో జరిగిన ఘటనే నిదర్శనం. జింబాబ్వే (zimbabwe) మాజీ క్రికెటర్ గయ్ విట్టల్ (Guy Whittal) పై చిరుతపులి దాడి చేయడం.. వెంటనే అతడి పెంపుడు శునకం పోరాడటం.. ప్రాణాలతో క్రికెటర్ బయటపడటం.. చిరుత పారిపోవడం.. అడ్వంచర్ ను తలపించే ఘటనను పరిశీలిస్తే..
గయ్ విట్టల్ పెంపుడు శునకం చికారాతో ఇటివలే హ్యుమనీ ప్రాంతంలో ఉన్న పర్వతంపై ట్రెక్కింగ్ కి వెళ్లాడు. ట్రెక్కింగ్ సమయంలో అకస్మాత్తుగా చిరుత విట్టల్ పై దాడి చేసింది. అప్రమత్తమైన చికారా యజమానిని కాపాడేందుకు చిరుతతో పోరాడి తరిమికొట్టింది. ఈక్రమంలో విట్టల్, చికారాకు తీవ్ర గాయాలయ్యాయి.
స్థానికులు స్పందించి వెంటనే విట్టల్, చికారాను విమానంలో ఆసుపత్రికి తరలించారు. చికారా కోలుకుంటోంది. తీవ్ర గాయాలు కావడంతో విట్టల్ కు శస్త్రచికిత్స చేశారు. ప్రస్తుతం ఆయన కోలుకుంటున్నారు. ఈ విషయాల్ని విట్టల్ భార్య హన్నా స్టూక్స్ సోషల్ మీడియాలో పోస్ట్ చేశారు. 2013లో ఇంట్లో మంచం కిందకి దూరిన మొసలి నుంచి ప్రాణాలతో బయటపడ్డారు విట్టల్.