Chiranjeevi: మెగాస్టార్ (Mega Star) చిరంజీవి (Chiranjeevi) నటిస్తున్న సినిమా ‘విశ్వంభర’. (Vishwambhara) వశిష్ఠ దర్శకత్వంలో తెరకెక్కుతున్న సినిమా యూవీ క్రియేషన్స్ ప్రతిష్టాత్మకంగా నిర్మిస్తోంది. చిరంజీవి కెరీర్లోనే భారీ బడ్జెట్ తో తెరకెక్కుతున్న సినిమాపై అభిమానులు, ట్రేడ్ లో భారీ అంచనాలు ఉన్నాయి. ఇప్పటికే శరవేగంగా షూటింగ్ జరుగుతోంది. త్రిష హీరోయిన్ గా నటిస్తోంది.
ఫ్యాంటసీ నేపథ్యంలో తెరకెక్కుతున్న సినిమా కోసం ఇప్పటికే 9 సెట్లు వేశారు. అన్నపూర్ణ స్టూడియోస్ లో వేసిన సెట్స్ లో ఇప్పటికే కీలక సన్నివేశాలు తెరకెక్కించినట్టు తెలుస్తోంది. మరికొన్ని సన్నివేశాల చిత్రీకరణ కూడా ఇవే సెట్స్ లో జరుగనున్నట్టు సమాచారం. ఇటివల బయటకొచ్చిన సినిమా ఆన్ లొకేషన్ పిక్స్ ఇంటర్నెట్ లో వైరల్ అయ్యాయి.
చిరంజీవి లుక్ బయటకు రావడంతో అభిమానులు ఫిదా అయిపోతున్నారు. ఇప్పటికే విడుదల చేసిన కాన్సెప్ట్ టీజర్ కు తోడు చిరంజీవి చార్మింగ్ లుక్ అందరినీ ఆకట్టుకోవడమే కాదు.. సినిమాపై అంచనాలు పెంచేసింది. 2025 సంక్రాంతికి జనవరి 10న సినిమా విడుదల కాబోతోంది.