ఎల్లో చీర పోలింగ్ అధికారిని ఎవరో తెలుసా?

ఇటీవల లోక్‌సభ ఎన్నికల్లో ఈవీఎం బాక్సు పట్టుకుని వెళ్తున్న ఓ మహిళ ఫొటో వైరల్ అయింది గుర్తుందా? ఆమె పేరు రీనా ద్వివేదీ. ఉత్తరప్రదేశ్‌లోని దేవరియాకు చెందినవారు. యూపీలోని పబ్లిక్ వర్క్స్ డిపార్ట్‌మెంట్‌లో ఉద్యోగం చేస్తోంది.యూపీలో నిర్వహించిన లోక్‌సభ ఎన్నికల్లో ఆమెకు విధులు కేటాయించారు.పసుపు చీర, నల్ల కళ్లద్దాలు, ఓ చేతిలో ఈవీఎం బాక్సులు, మరో చేతిలో మొబైల్ ఫోన్ పట్టుకుని వెళ్తున్న ఆమె ఫొటోలో సోషల్ మీడియాలో వైరల్ అయ్యాయి.ఆ ఒక్క ఫొటోతో చాలా మంది అభిమానులను సంపాదించుకున్నారు రీనా ద్వివేదీ.ఆమె ఎవరు? ఎవరు? అని వెతికి వెతికి పట్టుకున్నారు నెటిజన్లు. చివరకు ఆమె టిక్ టాక్ అకౌంట్ వివరాలు కూడా కనిపెట్టారు.ఓ టిక్ టాక్ వీడియోలో ఆమె డాన్స్ చేస్తూ కూడా కనిపించింది.పోలింగ్ బూత్‌లో కూడా టిక్ టాక్ వీడియోలో తీసి వాటిని పోస్ట్ చేయడంతో ఆమె వివరాలు తెలుసుకోవడం నెటిజన్లకు సులువు అయింది.