మా జీవితం మా ఇష్టం : సురేఖ వాణి

తెలుగులో ఎన్నో చిత్రాల్లో ఆంటీగా అమ్మగా నటించిన సురేఖ వాణి ఈమద్య కాలంలో సినిమాల్లో ఎక్కువగా కనిపించడం లేదు. సినిమాలు లేకపోవడం వల్లో లేదంటే మరేంటో కాని ప్రస్తుతం సోషల్‌ మీడియాలోనే ఎక్కువగా కనిపిస్తోంది. తన కూతురుతో కలిసి పొట్టి పొట్టి నెక్కర్లు వేసుకుని కూతురుకు ఏమాత్రం తక్కువ కానంటూ ఫొటోలకు ఫోజ్‌లు ఇస్తూ వస్తోంది. సామాన్యంగా ఇలా ఎవరు చేసినా కూడా నెటిజన్స్‌ విమర్శలు ఎదురవ్వడం ఖాయం.

సురేఖ వాణి విషయంలో కూడా అదే జరిగింది. తన కూతురుతో కలిసి సురేఖ వాణి తీసుకున్న ఫొటోలు సోషల్‌ మీడియాలో పోస్ట్‌ చేయగా వాటిపై తీవ్ర విమర్శలు వ్యక్తం అవుతున్నాయి. కూతురుతో ఇలాంటి ఫొటోలు దిగడం ఏంటీ, పైగా ఈ ఫొటోలను సోషల్‌ మీడియాలో పోస్ట్‌ చేయడం ఏంటీ అంటూ విమర్శలు వస్తున్న నేపథ్యంలో తాజాగా సురేఖ వాణి తీవ్రంగా స్పందించింది. నెటిజన్స్‌ ప్రశ్నలన్నీంటికి ఒకే సమాధానం ఇచ్చింది.

నేను ఒక సెలబ్రెటీని అవ్వడానికి ముందు ఒక సాదారణ మనిషిని అనే విషయం తెలియదా మీకు. నా జీవితంను నాకు నచ్చిన విధంగా బతికే స్వేచ్చ నాకు ఉంది. ఇక నా కూతురును ఎలా పెంచాలో, ఎలా ఉంచాలో నాకు తెలుసు. ఎవరు ఆ విషయంలో నాకు సలహాలు ఇవ్వనక్కర్లేదు. ఆ సలహాలు మీ వారికి, మీ కుటుంబ సభ్యులకు ఇచ్చుకుంటే బాగుంటుందని సూచించింది. నా గురించి ఆలోచించడం మానేసి మీ కుటుంబం గురించి ఆలోచించండి అంటూ ఘాటుగా రిప్లై ఇచ్చింది.