RRR: గ్లోబల్ స్టార్ రామ్ చరణ్ (Ram Charan), యంగ్ టైగర్ ఎన్టీఆర్ (Jr Ntr) హీరోలుగా కలిసి నటించిన సినిమా ‘ఆర్ఆర్ఆర్’ (RRR). అంతర్జాతీయస్థాయిలో ఆర్ఆర్ఆర్ సాధించిన విజయం తెలిసిందే. 2023లో ప్రఖ్యాత ఆస్కార్ అవార్డును సైతం అందుకుని తెలుగు సినిమా ఖ్యాతిని ప్రపంచానికి చాటింది. ఇప్పుడు మరోసారి అంతర్జాతీయ వేదికపై మెరిసింది.
2024కు సంబంధించి 96వఆస్కార్ అవార్డుల కార్యక్రమం లాస్ ఏంజిల్స్ లోని డాల్బీ ధియేటర్లో అట్టహాసంగా జరిగాయి. కార్యక్రమంలో భాగంగా అంతర్జాతీయంగా మెరిసిన సినిమాల ఏవీగా ప్రదర్శించారు. వాటిలో ఆర్ఆర్ఆర్ నుంచి రామ్ చరణ్, ఎన్టీఆర్ కలిసి నర్తించిన నాటు-నాటు పాట క్లిప్ ను ప్రదర్శించారు.
హాలీవుడ్ యాక్టర్లు ర్యాన్ గాస్లింగ్, ఎమిలీ బ్లంట్ ప్రపంచ సినిమాల్లోని యాక్షన్ సన్నివేశాల గురించి మాట్లాడినప్పుడు ఆర్ఆర్ఆర్ నుంచి ఓ యాక్షన్ సీన్ ప్రదర్శించారు. దీంతో వరుసగా రెండో ఏడాది ఆస్కార్ వేదికపై తెలుగు సినిమా మెరిసింది. ఇందుకు సంబంధించిన వీడియోలు నెట్టింట వైరల్ అవుతున్నాయి. దీంతో రామ్ చరణ్, ఎన్టీఆర్ అభిమానులు సంతోషంలో మునిగిపోయారు.