సరికొత్త భాషా ప్రయోగం ఇది.! లెస్ కరప్షన్ అట.! నిజంగానే, రాజకీయాల్లో సరికొత్త ప్రయోగం.! ఎవరైనా, ‘నేను అవినీతిపరుడ్ని కాదు’ అని చెబుతుంటారు.! కానీ, ఈయన అస్సలెప్పుడూ అబద్ధాలు చెప్పడు. నిజమే చెబుతాడు.! ఆయనే అంబటి రాంబాబు. వైసీపీ నేత, మంత్రి అంబటి రాంబాబు, అవినీతికి సరికొత్త నిర్వచనం చెప్పి అందర్నీ ఆశ్చర్యపరిచారు.
తాజాగా ఓ ఇంటర్వ్యూలో.. అదీ వైసీపీకి అమ్ముడుపోయిన న్యూస్ ఛానల్ ఇంటర్వ్యూలో.. వైసీపీకి అత్యంత సన్నిహితురాలైన ఓ మహిళా జర్నలిస్టు చేసిన ఇంటర్వ్యూలో.. అందరూ చూస్తుండగానే, ‘లెస్ కరప్టడ్’ అంటూ తన గురించి తాను చాలా చాలా గొప్పగా చెప్పుకున్నారు అంబటి రాంబాబు.
ఒకసారి కాదు, పదే పదే ‘నేను నిజమే చెబుతున్నాను.. లెస్ కరప్టడ్..’ అని చెప్పుకొచ్చిన అంబటి రాంబాబు, ‘నేనేమీ అవినీతిపరుడ్ని కాదని చెప్పడంలేదు..’ అంటూ అసలు విషయాన్ని చెప్పేయడం గమనార్హం.
‘మా ప్రభుత్వం అవినీతికి తావు లేకుండా పని చేస్తోంది..’ అంటూ ఓ పక్కన, ‘సిద్ధం’ పేరుతో ఏర్పాటు చేసిన బహిరంగ సభల్లో వైసీపీ అధినేత, ఆంధ్ర ప్రదేశ్ ముఖ్యమంత్రి వైఎస్ జగన్ మోహన్ రెడ్డి గొంతు చించుకుంటున్నారు. కానీ, దాన్ని ఎవరూ నమ్మడంలేదనుకోండి.. అది వేరే సంగతి.
వైసీపీ పాలన అవినీతిమయం.. అని చెప్పడానికి, మంత్రి అంబటి రాంబాబు చెప్పిన ‘లెస్ కరప్టడ్’ వ్యాఖ్యలే నిదర్శనం. మామూలుగా అయితే ‘లెస్ కరప్టడ్’ అనే వ్యాఖ్యల్ని అసహనంలోనే చేస్తుంటారు. సహచరులు పీకల్లోతు అవినీతిలో కూరుకుపోతే, వాళ్ళని చూసి అసూయతో, ‘నేను లెస్ కరప్టడ్’ అని చెబుతుంటారు.
అద్గదీ అసలు సంగతి.! అంబటి రాంబాబు ‘లెస్ కరప్టడ్’ వ్యాఖ్యలు వైసీపీలో కలకలం రేపుతున్నాయి. ముఖ్యమంత్రి వైఎస్ జగన్ మోహన్ రెడ్డి ఈ వ్యాఖ్యల్ని సీరియస్గా తీసుకున్నట్లు తెలుస్తోంది. స్వయంగా మంత్రే ఒప్పుకున్నారు గనుక, సుమోటో కింద కేసులు బుక్ అవ్వాల్సి వుంది అంబటి రాంబాబు మీద. బుక్ అవుతాయా మరి.? ఎక్కడ ఏసీబీ.? ఎక్కడ సీబీఐ.? ఎక్కడ న్యాయ వ్యవస్థ.?