టెలికాం దిగ్గజాల్లో ఒకటైన రిలయన్స్ జియో గతంలో రిలీజ్ చేసిన జియో మీట్ ను గురువారం అదికారికంగా ప్రకటించింది. ఇప్పటివరకూ కొద్ది మంది యూజర్లకే మాత్రమే లభ్యమైన ఈ యాప్ ఇప్పుడు జియో.. నాన్ జియో యూజర్లందరికీ అందుబాటులోకి వచ్చింది. ఈ యాప్ సాయంతో ఒకేసారి 100 మంది వీడియో కాన్ఫరెన్స్‌లో పాల్గొనే అవకాశం ఉంది.
ఫుల్ హెచ్ డీ రిసొల్యూషన్ తో వీడియో కాన్ఫరెన్స్ అందుబాటులోకి వచ్చిందవి. దీని డెస్క్‌టాప్‌ వెర్షన్ కూడా అందుబాటులోకి వచ్చింది. వీడియో కాన్ఫరెన్స్ లో పంపించే లింక్స్ ఆధారంగా పాల్గొనాలి. దీని వల్ల డెస్క్‌టాప్‌లో ఇంటర్నెట్ బ్రౌజర్‌ తో మాత్రమే వీడియో కాన్ఫరెన్స్‌లో పాల్గొనే అవకాశం ఉంటుంది. ప్రత్యేకించి అప్లికేషన్ ఇన్ స్టాల్ చేసుకోనవసరం లేదు.
జియో మీట్ లో వీడియో కాన్ఫరెన్స్ మీటింగ్స్‌ను టైమ్ సెట్ చేసుకుని.. ఆ లింక్‌లను ఇతరులకు షేర్‌ చేయొచ్చు. దీని ద్వారా వారు కూడా అదే టైమ్ కి వీడియో కాన్ఫరెన్స్ లో పాల్గొనచ్చు. దీంతోపాటు కాన్ఫరెన్స్ స్క్రీన్‌షాట్లు తీసి ఒకరికొకరు షేర్‌ చేసుకోవచ్చు. డెస్క్‌టాప్‌ వెర్షన్ లో ప్రస్తుతం క్రోమ్‌, ఫైర్‌ఫాక్స్‌లలో మాత్రమే అందుబాటులో ఉంది.
జియో మీట్.. ఆండ్రాయిడ్ వెర్షన్లో గూగుల్‌ ప్లే స్టోర్‌, ఐఫోన్.. యాపిల్‌ యాప్ స్టోర్‌లో అందుబాటులో ఉంది. ఆయా యాప్ స్టోర్స్‌ లో కూడా జియో మీట్ యాప్‌ను ప్రస్తుతం డౌన్‌లోడ్‌ చేసుకోవచ్చు. ఆండ్రాయిడ్, ఐఓఎస్ యూజర్లు జియో మీట్ యాప్ డౌన్ లోడ్ చేసుకోవచ్చు. మ్యాక్, విండోస్ ల్లో నేరుగా కాన్ఫరెన్స్ లింక్స్ ను ఇంటర్నెట్ బ్రౌజర్లలో పేస్ట్ చేసి క్లిక్ చేయడం ద్వారా వీడియో కాన్ఫరెన్స్ లో పాల్గొనవచ్చు.
ఆండ్రాయిడ్: ఓఎస్ 5.0 వెర్షన్ కంటే ఎక్కువగా ఉండాలి. ర్యామ్ 2జీబీ ఉండాలి.
ఐఓఎస్: 9.0 వెర్షన్ కంటే ఎక్కువ ఉండాలి. ర్యామ్ 1జీబీ ఉండాలి.
మ్యాక్: 10.13 వెర్షన్ కంటే ఎక్కువ ఉండాలి. ర్యామ్ 2జీబీ ఉండాలి.
విండోస్: 10 వెర్షన్ కంటే ఎక్కువ ఉండాలి. మైక్రోసాఫ్ట్ డాట్ నెట్ ఫ్రేమ్ వర్క్ వెర్షన్ 4.5.2 ఉండాలి. ర్యామ్ 4జీబీ ఉండాలి.