ఎన్నికల సమయంలో ‘డేటా లీక్’ వ్యవహారంలో నారా లోకేష్ పేరు ప్రముఖంగా తెరపైకొచ్చింది. అయితే, ఆ వ్యవహారం చాలా తేలిగ్గానే తెరమరుగైపోయింది. ఆ కేసులో ఎందుకు విచారణ ముందుకు సాగడంలేదు.? అన్నదానిపై భిన్నాభిప్రాయాలున్నాయి. నిజానికి, నారా లోకేష్ చాలా విషయాల్లో వివాదాస్పదంగా వార్తల్లోకి ఎక్కుతూ వస్తున్నారు. ఆ మధ్య జనసేన అధినేత పవన్ కళ్యాణ్పై, వివాదాలకు కేరాఫ్ అడ్రస్ అయిన శ్రీరెడ్డి నానా యాగీ చేసినప్పుడూ నారా లోకేష్ పేరు విన్పించింది.
అప్పట్లో ఓ ప్రముఖ ఛానల్ సీఈఓగా పనిచేసిన ఓ ప్రముఖుడు, శ్రీరెడ్డితో కలిసి నారా లోకేష్ ఆ మొత్తం ఎపిసోడ్కి వ్యూహరచన చేశారన్న ఊహాగానాలు తెరపైకొచ్చాయి. ఆ సంగతి పక్కన పెడితే, ఇఫ్పుడు రాజధాని అమరావతి భూములకు సంబంధించి ఇన్సైడర్ ట్రేడింగ్ ఆరోపణల్లోనూ నారా లోకేష్ పేరు ప్రముఖంగా విన్పిస్తోంది. ఇదొక్కటే కాదట, నారా లోకేష్ మంత్రిగా పనిచేసిన సమయంలో చాలా అక్రమాలు జరిగాయనీ, కేంద్ర ప్రభుత్వం నుంచి వచ్చిన నిధుల్ని యధేచ్ఛగా పక్కదారి పట్టించారనీ వైఎస్సార్సీపీ ఆరోపిస్తోంది.
ఇన్సైడర్ ట్రేడింగ్ విషయంలో నారా లోకేష్ తప్పించుకునే అవకాశమే లేదని వైసీపీకి చెందిన ఓ ముఖ్య నేత బల్లగుద్ది మరీ చెబుతున్నారు. ఆ దిశగా ఇప్పటికే పక్కా ఆధారాలు తమ ప్రభుత్వం సేకరించిందన్నది సదరు వైసీపీ ముఖ్య నేత చెబుతున్న మాట. సంక్రాంతి లోపే, నారా లోకేష్ మీద సీరియస్ యాక్షన్ తప్పకపోవచ్చట. ఒకవేళ కాస్త లేటయినా, సంక్రాంతి తర్వాత నారా లోకేష్కి అధికార పార్టీ చుక్కలు చూపించడం ఖాయమని అంటున్నారు.
ఇప్పటికే టీడీపీ నుంచి బయటకు వెళుతున్న నేతలంతా, నారా లోకేష్ని బూచిగా చూపుతున్న విషయం విదితమే. ఒకవేళ, ఇన్సైడర్ ట్రేడింగ్ విషయంలోనూ, ఇతరత్రా ఆరోపణలకు సంబంధించి నారా లోకేష్ బుక్కయిపోతే, టీడీపీ అధినేత చంద్రబాబు పరిస్థితి ఏంటట.? తొలుత లోకేష్, ఆ తర్వాతే చంద్రబాబు.. అన్న కోణంలో ‘పొలిటికల్ స్కెచ్’ నడుస్తోందన్న ఊహాగానాల్లో నిజమెంత.? వేచి చూడాల్సిందే.
645979 250684Oh my goodness! an exceptional article dude. Thanks a good deal Even so Im experiencing dilemma with ur rss . Do not know why Struggle to register for it. Can there be any person finding identical rss issue? Anyone who knows kindly respond. Thnkx 878248