Nara Rohit: నారా రోహిత్ (Nara Rohit) హీరోగా నటిస్తున్న 20వ సినిమా ‘సుందరకాండ’. శ్రీరామనవమి పండగ సందర్భంగా చిత్ర బృందం టైటిల్ రివీల్ చేస్తూ పోస్టర్ రిలీజ్ చేసింది. నూతన దర్శకుడు వెంకటేశ్ నిమ్మలపూడి దర్శకత్వంలో తెరకెక్కతోందీ సినిమా. సందీప్ పిక్చర్ ప్యాలెస్ బ్యానర్ పై సంతోష్ చిన్నపొళ్ల, గౌతమ్ రెడ్డి, రాకేశ్ మహంకాళి సంయుక్తంగా నిర్మిస్తున్నారు.
టైటిల్ పోస్టర్ లో నారా రోహిత్ కూల్ లవ్లీ లుక్ లో కనిస్తున్నారు. ఓ చేతిలో మొక్క.. మరో చేతిలో పుస్తకంతో సినిమాతో.. వెనుక కాలేజీ స్టూడెంట్స్ తో ఇదొక క్యూట్ లవ్ స్టోరీ అనిపించేలా పోస్టర్ డిజైన్ చేశారు. ఏ రెండు ప్రేమ కథలు ఒకలా ఉండవనే క్యాప్షన్ కూడా యూత్ ని ఆకట్టుకునేలా ఉంది.
రామాయణంలోని ముఖ్య ఘట్టమైన ‘సుందరకాండ’ను టైటిల్ గా పెట్టి ఆసక్తి రేకెత్తించడం విశేషం. సినిమాను సెప్టెంబర్ 7న విడుదల చేస్తున్నట్టు కూడా మేకర్స్ ఇదే పోస్టర్ లో రివీల్ చేశారు. వృతి వాఘని హీరోయిన్ గా పరిచయమవుతోంది.
.