ప్రధానమంత్రిగా నరేంద్ర మోదీ తొలిసారి పగ్గాలు చేపట్టినప్పుడు ఆయన వయసు 64 ఏళ్లు. పార్టీని, ప్రభుత్వాన్ని పూర్తిగా చేతుల్లోకి తీసుకున్న తర్వాత కొంతమందిని దూరంగా ఉంచాలనే ఉద్దేశంతో మోదీ, బీజేపీ జాతీయ అధ్యక్షుడు అమిత్ షా కలిసి ఓ నిబంధన తీసుకొచ్చారు. 75 ఏళ్లు పైబడిన రాజకీయ నాయకులు ప్రభుత్వంలోగానీ, పార్టీలోగానీ కీలకమైన పదవులకు దూరంగా ఉండాలన్నది ఆ రూల్. ఈ నిబంధనను ఇద్దరూ కలిసి ప్రతిపాదించడం, ఆమోదించడం చకచకా జరిగిపోయాయి. ఫలితంగా పార్టీ సీనియర్లు ఎల్.కె.అద్వానీ, మురళీ మనోహర్ జోషి వంటి నేతలకు ప్రభుత్వంలోగానీ, పార్టీలో గానీ ఎలాంటి పదవులూ ఇవ్వలేదు. కీలక పదవుల్లో ఉన్న కొంతమంది చేత రాజీనామా కూడా చేయించారు. అప్పటి నుంచీ ఈ నిబంధనను చాలా కచ్చితంగా అమలు చేస్తున్నారు.
ఇటీవల జరిగిన ఎన్నికల్లో సైతం కొంతమందిని ఇదే కారణంతో పోటీకి సైతం నిలపలేదు. 2014లో ప్రధానిగా బాధ్యతలు స్వీకరించిన తర్వాత మోదీ కొంతమంది పాఠశాల విద్యార్థులతో ముఖాముఖి నిర్వహించారు. ఈ సందర్భంగా ఓ విద్యార్థి, ప్రధాని కావాలంటే ఏం చేయాలని అడగ్గా.. మరో 20 ఏళ్ల పాటు నీకు ఆ అవకాశం లేదని, ఈ 20 ఏళ్లపాటు తానే ప్రధానిగా ఉంటాను కాబట్టి, నువ్వు 20 ఏళ్ల తర్వాత ప్రయత్నాలు చేయాలని ఆ విద్యార్థికి సూచించారు. అంటే తనకు 84 ఏళ్లు వచ్చినా, ప్రధాని పదవిలో కొనసాగుతానని అప్పట్లో పేర్కొన్నారు. అంటే.. తాను తీసుకొచ్చిన నిబంధన మరచిపోయి అలా చెప్పారో లేక ఆ నిబంధన తనకు వర్తించదన్న ఉద్దేశంతో చెప్పారో పెద్దగా ఎవరూ పట్టించుకోలేదు.
అయితే, కొంతమందిని దూరంగా ఉంచేందుకు తీసుకొచ్చిన ఈ నిబంధనే మోదీకి ప్రతికూలంగా మారే అవకాశం కనిపిస్తోంది. ఇటీవల జరిగిన సార్వత్రిక ఎన్నికల్లో తిరుగులేని మోజార్టీ సాధించిన నరేంద్ర మోదీ.. రెండోసారి ప్రధానిగా పగ్గాలు చేపట్టారు. ప్రస్తుతం ఆయన వయసు 69 సంవత్సరాలు. ఈ టెర్మ్ పదవీకాలం పూర్తయ్యే సరికి మోదీకి 74 ఏళ్లు వస్తాయి. 2024లో కూడా ఒకవేళ బీజేపీయే అధికారంలోకి వస్తే మోదీ ప్రధాని పదవి చేపట్టడానికి అర్హులు కాదు. అంటే.. ఆయన తీసుకొచ్చిన నిబంధనే ఆయనకు అడ్డంకిగా మారనుందన్న మాట. ఈ పరిస్థితి రావడానికి ఇంకా ఐదేళ్ల సమయం ఉన్నప్పటికీ, దీనిపై అప్పుడే చర్చ జరుగుతోంది.
ఒకవేళ ఈ నిబంధనకు కట్టుబడి మోదీ ప్రధాని పదవి చేపట్టకపోతే అప్పుడు అవకాశం ఎవరికి వస్తుందనే అంశంపైనా ఊహాగానాలు సాగుతున్నాయి. ఈ విషయంలో రెండో మాటకు తావు లేకుండా బీజేపీ జాతీయ అధ్యక్షుడు, కేంద్ర హోంమంత్రి అమిత్ షాకే ప్రధాని పీఠం దక్కుతుందని అంటున్నారు. ప్రస్తుతం షా వయసు 55 ఏళ్లు కావడమే ఇందుకు అనుకూలమైన అంశమని చెబుతున్నారు. ఇవన్నీ ఆలోచించే, అనుభవం కోసం ప్రస్తుతం ఆయన్ను కేంద్ర హోంమంత్రిగా చేశారనే వ్యాఖ్యలు వినిపిస్తున్నాయి. 2024లో కూడా బీజేపీదే విజయం అయిన పక్షంలో అమిత్ షా ప్రధాని అవుతారా లేక తాము తీసుకొచ్చిన నిబంధనను మోదీ, షా ద్వయం సవరించేస్తారా అన్నది ఇప్పుడే చెప్పలేం. రాజు తలుచుకుంటే కానిదేముంటుంది?
Related Posts
ప్రత్యేక హోదా ‘మచ్చ’ చెరిపేసుకోనున్న మోడీ!
350469 609003excellent post, very informative. 707477