2024 ఎన్నికల నాటికి ఆంధ్రప్రదేశ్లో బలపడాలన్న ‘కసి’తో వుంది భారతీయ జనతా పార్టీ. తాజా ఎన్నికల్లో అత్యంత ఘోరమైన ఫలితాల్ని చూసినప్పటికీ, అత్యంత పకడ్బందీగా కార్యాచరణ రచిస్తే, ఆంధ్రప్రదేశ్లో అధికారంలోకి రాలేకపోయినా, చెప్పుకోదగ్గ స్థాయిలో సీట్లు సాధించుకోగలమన్న నమ్మకంతో వున్న బీజేపీ అగ్రనాయకత్వం, ఆ దిశగా స్కెచ్ ప్రిపేర్ చేస్తున్నట్లే కన్పిస్తోంది. 2014 నుంచి 2019 నాటి పరిస్థితులు వేరు, ఇకపై పరిస్థితులు వేరంటూ పార్టీకి చెందిన రాష్ట్ర నాయకత్వానికి ధైర్యం నూరి పోస్తోన్న ఢిల్లీ కమలనాథులు, పార్టీని ఎలా ఆంధ్రప్రదేశ్లో బలోపేతం చేయాలో చెబుతూ పలు సూచనలు చేస్తున్నారట.
అయితే, రాష్ట్రానికి అదనంగా కేంద్రం నుంచి ఏ సాయం అందినా, అది వైఎస్సార్ కాంగ్రెస్ పార్టీ ఖాతాలోకి వెళుతుంది తప్ప, బీజేపీకి ఏమాత్రం రాజకీయ ప్రయోజనం వుండదన్న రాష్ట్ర బీజేపీ నేతల ఆలోచనని, బీజేపీ కేంద్ర నాయకత్వం కొట్టి పారేయడంలేదు. మరోపక్క, బీజేపీ అగ్రనాయకత్వం అంటే అమిత్ షా – నరేంద్ర మోడీ ద్వయం మాత్రమే. ఎప్పటికప్పుడు పదునైన వ్యూహాలు రచించడంలో ఈ ఇద్దరికీ సాటి ఇంకొకరు లేరు. తెలంగాణలో అలా అత్యంత వ్యూహాత్మకంగా వ్యవహరించబట్టే, అసెంబ్లీ ఎన్నికల్లో దెబ్బ తిన్నా, లోక్సభ ఎన్నికల్లో పుంజుకుంది బీజేపీ.
తొలుత గవర్నర్ని మార్చడం, ఆ తర్వాత రాష్ట్రంలో పరిస్థితుల్ని తమకు అనుకూలంగా మార్చుకోవడం.. లాంటి వ్యూహాల గురించి ప్రస్తుతం ఢిల్లీలో చర్చ జోరుగా సాగుతోందట. అయితే, 151 మంది ఎమ్మెల్యేలు, 22 మంది ఎంపీలతో ఆంధ్రప్రదేశ్లో వైఎస్సార్ కాంగ్రెస్ పార్టీ అత్యంత బలోపేతంగా కన్పిస్తోంది. 2024 వరకూ భారతీయ జనతా పార్టీకి ఆంధ్రప్రదేశ్లో ఎంట్రీ కూడా కష్టమే రాజకీయంగా. ఈ నేపథ్యంలో జగన్ని ప్రసన్నం చేసుకుంటే, కొంత మేర ఆంధ్రప్రదేశ్లో బలోపేతమవ్వొచ్చన్న ఆలోచన కూడా చేస్తున్నారట బీజేపీ పెద్దలు.
బీజేపీలో చేరాలనుకుంటున్న కొందరు టీడీపీ ఎమ్మెల్యేలతో రాజీనామా చేయించి, ఆ స్థానాల్లో సత్తా చాటాలన్నది ప్రస్తుతం బీజేపీ యోచన. ఎంపీ కేశినేని నాని బీజేపీ వైపు అడుగులు వేస్తున్న దరిమిలా, బీజేపీలో ఆయన చేరితే.. అంతకు ముందే ఎంపీ పదవికి రాజీనామా చేస్తారట కూడా. అయితే, తద్వారా వచ్చే ఉప ఎన్నికల్లో టీడీపీ తిరిగి గెలిస్తేనో? వైఎస్సార్సీపీ ఖాతాలోకి ఆ సీట్లు వెళితేనో? అన్న భయాలూ బీజేపీకి లేకపోలేదు. మొత్తమ్మీద, ఓ రెండు మూడు నెలల్లోనే ఆపరేషన్ ఆంధ్రప్రదేశ్ అంటూ, ఢిల్లీ కమలనాథులు అన్ని సమస్యలకూ ఓ పరిష్కారం కనుగొనబోతున్నారంటూ జరుగుతున్న ప్రచారంలో వాస్తవమెంతో తెలియాలంటే కొద్ది రోజులు వేచి చూడాల్సిందే.
Related Posts
జగన్ 2.0: రోజాకి ‘హోంమంత్రి’ పదవి దక్కేనా!
చంద్రబాబుని తిడితే లాభమేంటి మోడీజీ!
875625 903924Thanks for the post. I like your writing style – Im trying to start a weblog myself, I feel I may well read thru all your posts for some suggestions! Thanks once far more. 308161