Guntur Kaaram: సూపర్ స్టార్ మహేష్ బాబు హీరోగా త్రివిక్రమ్ దర్శకత్వంలో రూపొందుతున్న సినిమాకు గుంటూరు కారం అనే టైటిల్ ని కన్ఫామ్ చేయడం జరిగింది. మొదట అమరావతి కి అటు ఇటు అనే టైటిల్ బలంగా వినిపించింది.
ఇంకా పలు టైటిల్స్ ను పరిశీలించిన తర్వాత చివరి నిమిషంలో గుంటూరు కారం టైటిల్ ని ఖరారు చేస్తూ టీజర్ కూడా విడుదల అయింది. మహేష్ బాబు అభిమానులు కొందరు టైటిల్ పై పెదవి విరుస్తున్నారు.
మహేష్ బాబు వంటి సాఫ్ట్ ఇమేజ్ ఉన్న హీరోకి గుంటూరు కారం అనే మాస్ టైటిల్ ఎలా సెట్ అవుతుందని త్రివిక్రమ్ భావించాడు అంటూ కొందరు కామెంట్ చేస్తుంటే.. ఎక్కువ శాతం మంది మాత్రం మహేష్ బాబుని కొత్తగా చూపించేందుకు గుంటూరు కారం సినిమా ఖచ్చితంగా ఉపయోగపడుతుందని ఆశిస్తున్నారు. ఈ టైటిల్ మహేష్ కి సెట్ అవుతుందని వారు భావిస్తున్నారు.