ఇట్లు మారేడుమిల్లి ప్రజానీకం – బిలో యావరేజ్ రియలిస్టిక్ డ్రామా

నాంది చిత్రంతో సీరియస్ రియలిస్టిక్ డ్రామాతో సూపర్ హిట్ కొట్టిన అల్లరి నరేష్ మరోసారి అలాంటి జోనర్ కు చెందిన చిత్రాన్ని ఎంచుకున్నాడు. ప్రోమోలతో ఇదేదో సీరియస్, హార్డ్ హిట్టింగ్ చిత్రంలా అనిపించిన ఇట్లు మారేడుమిల్లి ప్రజానీకం ఈరోజే విడుదలైంది. మరి ఈ సినిమా ఎలా ఉందో చూద్దామా?

కథ:

శ్రీనివాస్ శ్రీపాద (అల్లరి నరేష్) ఒక ప్రభుత్వ ఉద్యోగి. మారేడుమిల్లి అనే గిరిజన ప్రాంతంలో ఎన్నికలు సజావుగా నిర్వహించే బాధ్యత అతనికి అప్పగిస్తుంది ప్రభుత్వం. తన టీమ్ తో కలిసి ఆ ప్రాంతానికి వెళ్లిన శ్రీనివాస్ కు అక్కడ పరిస్థితులు చాలా భిన్నంగా ఉన్న విషయం అర్ధమవుతుంది.

ఆ గిరిజనులు ఎదురుకొనే సమస్యలు ఎలాంటివో తెలుసుకుని ఆశ్చర్యపోతాడు. ఈ సమస్యల విషయంలో శ్రీనివాస్ ఎలాంటి నిర్ణయం తీసుకున్నాడు. దానివల్ల తనకు ఎలాంటి సమస్యలు వచ్చాయి? ఇంతకీ ఎన్నికల నిర్వహణ సజావుగా పూర్తయిందా? సినిమా చూసి తెలుసుకోవాలి.

నటీనటులు:

తన పాత్రలో పూర్తిగా ఒదిగిపోయాడు నరేష్. ఇలాంటి రియలిస్టిక్ డ్రామాలకు తాను పెర్ఫెక్ట్ గా సరిపోతాను అని మరోసారి నిరూపించాడు. ఒక రకంగా చెప్పాలంటే చిత్రం మొత్తాన్ని తన భుజాలపై మోశాడు నరేష్. ఆనంది తన పాత్ర వరకూ చక్కగా చేసింది. అయితే తన పాత్ర విషయంలో దర్శకుడు ఇంకా కేర్ తీసుకుని ఉంటే బాగుండేది అనిపిస్తుంది.

వెన్నెల కిషోర్, ప్రవీణ్, సంపత్ రాజ్, తదితరులు తమ తమ పరిధుల మేరకు బాగానే రాణించారు. మిగతా వాళ్లంతా మాములే.

సాంకేతిక వర్గం:

దర్శకుడు ఏఆర్ మోహన్, కథగా మంచి కాన్సెప్ట్ నే తీసుకున్నాడు. తాను అనుకున్న మెసేజ్ ను అయితే చెప్పగలిగాడు కానీ ఆ చెప్పే క్రమంలో సినిమా గతి తప్పిన విషయాన్ని పెద్దగా పట్టించుకోలేదు. స్క్రీన్ ప్లే ఊహాజనితంగానే ఉంది. ఇక దర్శకుడు కథలోకి వెళ్ళడానికి కావాల్సినదానికన్నా ఎక్కువ సమయమే తీసుకోవడం కూడా నెగటివ్ అయింది. కాన్సెప్ట్ గా చూసుకుంటే ఈ చిత్రం అద్భుతం. అయితే చెప్పే విధానంలోనే ఉంది సమస్య అంతా.

శ్రీచరణ్ పాకల బ్యాక్ గ్రౌండ్ స్కోర్ బాగుంది. అయితే పాటల విషయంలో ఇంకా శ్రద్ధ తీసుకోవాల్సింది. రామ్ రెడ్డి కెమెరా పనితనం బాగుంది. ఎడిటింగ్ వర్క్ ఇంకా షార్ప్ గా ఉండొచ్చు.

ప్లస్ పాయింట్స్:

• నరేష్ పెర్ఫార్మన్స్
• చిత్రంలో ఇచ్చిన మెసేజ్

నెగటివ్ పాయింట్స్:

• స్క్రీన్ ప్లే
• పేలవమైన డైరెక్షన్
• స్లో నరేషన్

చివరిగా:

నరేష్ అద్భుతమైన పెర్ఫార్మన్స్, లాస్ట్ లో ఇచ్చే మెసేజ్ ను పక్కన పెడితే ఇట్లు మారేడుమిల్లి ప్రజానీకం అందరినీ మెప్పించే అవకాశాలు లేవు. కేవలం కొన్ని వర్గాలకే రుచించే ఈ చిత్రాన్ని ఈజీగా స్కిప్ చేయవచ్చు.

తెలుగు బులెటిన్. కామ్ రేటింగ్: 2.25/5