Sandeep Reddy Vanga: 5ఏళ్ళ క్రితం సందీప్ రెడ్డి వంగా (Sandeep Reddy Vanga) దర్శకత్వం వహించిన హిందీ సినిమా ‘కబీర్ సింగ్’ (Kabir Singh). సినిమాలో డీన్ పాత్ర పోషించిన బాలీవుడ్ నటుడు ఆదిల్ హుస్సేన్ పై సందీప్ ఆగ్రహం వ్యక్తం చేశారు. కారణం ఏంటంటే..
ఓ ఇంటర్వ్యూలో ఆదిల్.. ‘కెరీర్ మొత్తంలో ఎందుకు నటించానా అని అనిపించిన సినిమా కబీర్ సింగ్. ఎన్నోసార్లు నటించనని చెప్పినా ఒప్పించి ఒక్కరోజు షూట్ కి పిలిచారు. భారీ రెమ్యునరేషన్ ఇస్తామన్నారు.. నటించాను. సీన్ నచ్చింది. అయితే.. సినిమా చూశాక సినిమాలో నటించినందుకు బాధ పడ్డాను. నా భార్య సినిమా చూసుంటే నన్ను తిట్టేద’ని అన్నారు.
దీనిపై సందీప్ స్పందిస్తూ.. ‘ఇప్పటివరకూ 30 సినిమాల్లో నటించినా మీకు రాని గుర్తింపు ఒక్క కబీర్ సింగ్ ద్వారా వచ్చిందని గుర్తించాలి. నటన కంటే మీకు దురాశ ఎక్కువగా ఉన్న మిమ్మల్ని నా సినిమాలో తీసుకున్నందుకు బాధ పడుతున్నాను. మీరు సిగ్గు పడకుండా సినిమాలో మీ పాత్రను ఏఐ ద్వారా ఫిల్ చేస్తా’నని ఆగ్రహం వ్యక్తం చేశారు.