తిరుపతి ఎయిర్ పోర్టులో తప్పిన పెను ప్రమాదం

ఏపీలోని చిత్తూరు జిల్లాలోని రేణిగుంట అంతర్జాతీయ విమనాశ్రయంపై పెను ప్రమాదం తప్పింది. రన్ వేను పరిశీలించేందుకు వెళ్లిన ఫైరింజన్ వాహనం బోల్తా పడిన ఘటన ఆదివారం జరిగింది. ఈ సమయంలో ఇండిగో విమానం హైదరాబాద్ నుంచి తిరుపతి వస్తోంది. రన్ వేపై ఈ ఘటన జరగడంతో విమానం ల్యాండింగ్ కు అధికారులు అనుమతి నిరాకరించారు. దీంతో విమానాన్ని బెంగళూరుకు మళ్లించారు. దీంతో మరికొన్ని విమానాల ల్యాండింగ్ కు కూడా అనుమతి నిరాకరించడంతో తిరుగు పయనమయ్యాయని సమచారం.

ఘటన జరిగిన అనంతరం అధికారులు అప్రమత్తమయ్యారు. బోల్తా పడిన వాహనం తొలగింపు పనులు చేపట్టారు అధికారులు ఘటనపై విచారణ ప్రారంభించారు. ప్రమాదానికి డ్రైవర్ నిర్లక్ష్యం కారణమా.. మరేదైనా కారణమా అనే కోణంలో అధికారులు విచారిస్తున్నారు. ప్రమాదం జరిగిన రెండున్నర గంటల్లో రన్ వే క్లియర్ చేసినట్టు అధికారులు తెలిపారు.