సూపర్ స్టార్ మహేష్ బాబుకు సినిమాలు, వెబ్ సిరీస్ లు అంటే అమితమైన ఇష్టమని తెల్సిందే. తనకు ఫ్రీ టైమ్ దొరికితే వివిధ భాషలకు చెందిన కంటెంట్ ను చూసేస్తాడు. అంతే కాకుండా ఒకవేళ తనకు అది నచ్చితే తప్పకుండా తన సోషల్ మీడియా అకౌంట్ లో స్పందిస్తాడు. రీసెంట్ గా వెబ్ సిరీస్ డార్క్ ను తెగ పొగిడేసాడు మహేష్ బాబు. ఇది ఒక అద్భుతమైన వెబ్ సిరీస్ అంటూ పొగడ్తల వర్షం కురిపించాడు.
ఇక ఇప్పుడు తమిళ సినిమా వంతు వచ్చింది. తమిళంలో లాక్ డౌన్ కు ముందు విడుదలై మంచి విజయం సాధించింది ఓ మై కడవులే. ఇది ఒక రొమాంటిక్ కామెడీ చిత్రం. అశోక్ సెల్వన్ హీరో. గురులో మనల్ని మెప్పించిన రితిక సింగ్ హీరోయిన్. ఈ సినిమా ప్రస్తుతం జీ5 ఓటిటి ప్లాట్ ఫామ్ లో స్ట్రీమ్ అవుతుంది.
నిన్న రాత్రి ఈ సినిమాను చూసిన మహేష్ బాబు తనకు తెగ నచ్చేసినట్లు ట్వీట్ చేసాడు. అశ్వత్ మరిమతు అద్భుతంగా రాసి డైరెక్ట్ చేసారు. పెర్ఫార్మన్స్ లు అదిరిపోయాయి. అశోక్ సెల్వన్ నువ్వు ఒక న్యాచురల్ నటుడివి అని ప్రశంసల వర్షం కురిపించాడు. దానికి ఈ చిత్ర దర్శకుడు స్పందిస్తూ నా ఫేవరెట్ నటుడి నుండి ప్రశంసలు రావడంతో నా మైండ్ బ్లాక్ అయింది అని తెలిపాడు. ఇక హీరో అశోక్ సెల్వన్ కూడా కచ్చితంగా ఇది ఓ మై కడవులే మూమెంట్. థాంక్యూ సార్ అని అన్నాడు.
#OhMyKadavule… Enjoyed every bit of it… Superb performances, brilliantly written and directed @Dir_Ashwath. 👏👏👏@AshokSelvan you're a natural👌👍👏 pic.twitter.com/Ozxlz0EP4Q
— Mahesh Babu (@urstrulyMahesh) July 18, 2020