నేడు అవయువ దానం ద్వారా ఎందరికో ప్రాణాలు నిలుస్తున్నాయి. అవయువ దానంపై అవగాహన కూడా పెద్ద ఎత్తున నిర్వహిస్తున్నారు. అయితే.. ఇక్కడ జరిగిన అవయువ దానం ద్వారా వైద్య శాస్త్రంలో చారిత్రక ఘట్టం లిఖించినట్టైంది. మనిషికి పంది గుండెను విజయవంతంగా అమర్చడం ద్వారా చరిత్ర సృష్టించారు అమెరికన్ వైద్యులు. ఇకపై అవయువ దానం కొత్త పుంతలు తొక్కనుందనే చెప్పాలి. వివరాల్లోకి వెళ్తే.. అమెరికాలోని బాల్టిమోర్ ‘మేరీలాండ్ మెడికల్ స్కూల్ ఆస్పత్రిలో జనవరి 7న ఈ అద్భుతం జరిగింది.
పంది నుంచి సేకరించిన గుండెను మనిషికి అమర్చడం.. ఆపరేషన్ విజయవంతం కావడం.. జరిగింది. ఆపరేషన్ వియయవంతం అయిన నేపథ్యంలో ఆసుపత్రి వైద్యులు ఓ ప్రకటన విడుదల చేశారు. అమెరికా ఫుడ్ అండ్ డ్రగ్ అడ్మినిస్ట్రేషన్ అత్యవసర అనుమతులు జారీ చేయడంతో జన్యుపరంగా మార్పు చేసిన పంది గుండెను మనిషికి అమర్చామని వైద్యులు ప్రకటించారు. అమెరికాకే చెందిన డేవిడ్ బెన్నెట్ (57)కు ఈ గుండె మార్పిడి ఆపరేషన్ నిర్వహించారు. సహజంగా జరిగే గుండె మార్పిడికి పేషెంట్ పరిస్థితి సహకరించలేదని.. అందుకే ఈ నిర్ణయం తీసుకున్నట్టు ప్రకటించారు.
ప్రస్తుతం అబ్జర్వేషన్ లో ఉన్న డేవిడ్ కోలుకుంటున్నాడని.. పూర్తిగా కోలుకుంటే వైద్య శాస్త్రంలో ఇదొక అద్భుతమే అవుతుందని అంటున్నారు. తద్వారా భవిష్యత్ లో అవయువ దానం సమస్యకు ఇదొక పరిష్కార మార్గం అవుతుందని వైద్యులు అంటున్నారు. అమెరికాలో అవయువాల కొరత ఎక్కువగా ఉందని.. సగటున ఏడాదికి గుండె సమస్యకు పరిష్కారం లేక 6వేల మంది చనిపోతున్నట్టు గణాంకాలు చెప్తున్నాయి. ప్రస్తుతం గుండె మార్పిడి కోసం లక్షకు పైగా పేషెంట్లు ఎదురు చూస్తున్నట్టు తెలుస్తోంది. వీరందరికీ డేవిడ్ దిక్సూచీలా కనిపిస్తున్నాడు.
గతేడాది లైఫ్ సపోర్ట్ పై ఉన్న ఓ వ్యక్తికి న్యూయార్క్ యూనివర్సిటీ లాన్గోన్ హెల్త్ మెడికల్ సెంటర్లో పంది కిడ్నీని అమర్చగా ఆ ఆపరేషన్ కూడా విజయవంతమైంది. ప్రస్తుతం అతడు కోలుకుంటున్నాడు. 1984లోనే కోతి జాతికి చెందిన బబూన్ గుండెను ఓ శిశువుకు అమర్చారు. అప్పట్లో ఆ ఆపరేషన్ విజయవంతమైనా.. ఆ చిన్నారి కేవలం 20 రోజులే జీవించింది.
They are additionally rated predicated on many elements electronic.