Sai Durga Tej: అనురోప్ కటారి హీరోగా తెరకెక్కుతున్న సినిమా ‘పడమటి కొండల్లో’ (Padamati Kondallo). జయకృష్ణ దురుగడ్డ నిర్మాతగా నూతన దర్శకుడు చిత్ర దర్శకత్వంలో తెరకెక్కుతోందీ సినిమా. ఈ సందర్భంగా సినిమా పోస్టర్, హీరో లుక్, గెటప్ ను సుప్రీమ్ హీరో సాయి దుర్గ తేజ్ (Sai Durga Tej) ‘ఎక్స్’ లో విడుదల చేశారు. పోస్టర్, హీరో లుక్ బాగున్నాయని చిత్రం విజయం సాధించాలని సాయి దుర్గ తేజ్ ఆకాంక్షించారు.
దర్శకుడు చిత్ర మాట్లాడుతూ.. ‘”పడమటి కొండల్లో” సినిమాతో సరికొత్త కథాంశంతో తెరకెక్కింది. ధియేటర్లో ప్రేక్షకులు సరికొత్త అనుభూతి చెందుతారని చెప్పగలను. ప్రేమకథకు యాక్షన్ జోడించడంతో సినిమా ప్రత్యేకంగా ఉంటుంది. అన్నివర్గాల ప్రేక్షకుల్ని ఆకట్టుకునేలా తెరకెక్కిస్తున్నాం. ప్రేక్షకులు విజువల్ ఫీస్ట్లా ఫీలయ్యే లోకేషన్లలో చిత్రీకరణ జరుపుతా’మని అన్నారు.
పోస్టర్ లో రక్తం అంటిన కత్తి పట్టుకుని నడుస్తున్న హీరోతో సినిమాపై ఆసక్తి పెంచింది చిత్ర బృందం. శ్రీదేవి క్రియేషన్స్ పై విన్విత ఎంటర్టైన్మెంట్స్ సమర్పణ ద్వారా ‘పడమటి కొండల్లో’ సినిమా తెరకెక్కుతోంది.
Happy to launch this fiery and intriguing first look of @CreationSridevi & @winvitaa Presents Production No.1 #PadamatiKondallo 🤗
Wishing everyone involved all the very best and good luck.#SriDevi #KannanMuniswamy @addictiontwit @ActorKatari @ShraavyaReddy… pic.twitter.com/o36wMkVMrn
— Sai Dharam Tej (@IamSaiDharamTej) April 22, 2024