Raghu Babu: సినీ నటుడు రఘుబాబు (Raghu Babu) ప్రయాణిస్తున్న కారు ఢీకొని వ్యక్తి మృతి చెందిన ఘటన హైదరాబాద్ పరిధిలో జరిగింది. నల్గొండ బైపాస్ రోడ్డులో జరిగిన ప్రమాదంలో కారు ఢీకొని నల్లగొండ పట్టణ బీఆర్ఎస్ ప్రధాన కార్యదర్శి సందినేని జనార్ధన్ రావు మృతి చెందారు. ప్రమాద ఘటనలో రఘుబాబు కారు ఢీకొన్న బైకును దాదాపు యాభై మీటర్లు లాక్కెళ్లినట్టు తెలుస్తోంది. ప్రమాదం జరిగిన వెంటనే కారును రఘుబాబు నిలిపివేశారు.
అయితే.. సోషల్ మీడియాలో వస్తున్న వార్తల ప్రకారం రఘుబాబు సరైన రూట్ లోనే ప్రయాణిస్తున్నారని బైకర్ మాత్రం రాంగ్ రూట్ లో వచ్చినట్టు కొన్ని విజువల్స్ ద్వారా తెలుస్తోంది. కొందరు వాహనదారులు రఘుబాబుతో మీ తప్పులేదు అంటున్న వీడియోలు ప్రస్తుతం నెట్టింట వైరల్ అవుతున్నాయి. ప్రమాదంలో కారు, బైక్ దెబ్బతిన్నాయి. మృతి చెందిన జనార్ధన రావు రోడ్డుపై పడటంతో తలకు గాయమై ప్రమాద స్థలంలోనే మృతి చెందారు. ఘటనపై పూర్తి వివరాలు తెలియాల్సి ఉంది.