Trisha: అందం.. అభినయం.. సినిమాల్లో హీరోయిన్లుగా రాణించేందుకు ఇవి చాలా అవసరం. అందం ఉంటే అభినయం.. అభినయం వస్తే అందం.. కొందరిలో లోటు. కానీ.. ఈ రెండింటినీ తనలో పుష్కలంగా అల్లుకున్న నటి త్రిష. సినీ ప్రియులు.. ఆమె అభిమానులు చెన్నై అందంగా పిలుచుకుంటారు. ఇంతగా నటనలో.. అందంలో తనకుతానే సాటిగా ఉంది కనుకే కెరీర్ మొదలై 22ఏళ్లు దాటినా ఇప్పటికీ ఆమెది స్టార్ స్టేటస్. దక్షిణాది భాషలన్నింటిలో సినిమాలు చేస్తూ తన స్టార్ డమ్ ఏంటో నిరూపిస్తోంది. పైగా.. అన్నీ అగ్ర హీరోల సరసనే. హీరోయిన్ ఇంత లాంగ్ కెరీర్ మాత్రమే కాదు.. స్టార్ స్టేటస్ కూడా రెండు దశాబ్దాలకు పైగా నిలుపుకుని బెంచ్ మార్క్ సెట్ చేసింది. నేడు ఆమె పుట్టినరోజు. సోషల్ మీడియాలో #HappyBirthdayTrisha ట్రెండింగ్ లో ఉంది.
స్కూల్ రోజుల్లో లాయర్ కావాలనుకుని.. కాలేజీ రోజుల్లో మోడలింగ్ వైపు అడుగులేసింది ఈ చెన్నై బ్యూటీ. అంతే.. తనదైన అందంతో 16ఏళ్ళకే ఏకంగా మిస్ చెన్నై టైటిల్ కూడా గెలుచుకుంది. మిస్ ఇండియా పోటీల్లోనూ పాల్గొంది. మొడలింగ్ వైపు వేసిన అడుగులతో పెప్సీ వంటి యాడ్స్ లో నటించింది. దీంతో వచ్చిన తొలి అవకాశం జోడీలో సిమ్రాన్ కు ఫ్రెండ్ క్యారెక్టర్. వచ్చిన అవకాశాన్ని ఉపయోగించుకుంది. అయితే.. ఆమె అందానికి హీరోయిన్ గా వచ్చిన తొలి అవకాశం ‘నీ మనసు నాకు తెలుసు’. ఈ గుర్తింపుతో వచ్చిన అవకాశమే ‘వర్షం’. సినిమాలో త్రిష చిలిపితనం.. ఆటలు.. అప్పటి యూత్ ఫిదా అయిపోయారు. వర్షం అంటే ఇప్పటికీ త్రిష గుర్తొచ్చేలా మైమరిపించింది. వర్షం బ్లాక్ బస్టర్ తో నేటికీ తిరుగులేని స్టార్ డమ్ సంపాదించింది.
పూరి, కీర్తి, చిట్టి.. అంటూ తెలుగులో మెరిసిపోయింది. తమిళంలోనూ విపరీతమైన క్రేజ్. ఏకకాలంలో తెలుగు, తమిళంలో ఓదశలో నెం.1 హీరోయిన్ గా ఆధిపత్యం చెలాయించింది. పొన్నియన్ సెల్వంలోనే కాదు.. సినిమా ప్రమోషన్స్ లో సైతం అందంతో వెలిగిపోయింది. దీంతో మళ్లీ త్రిషను వరుస అవకాశాలు వరించాయి. సినిమా సినిమాకీ కొత్త హీరోయిన్ వస్తున్న రోజుల్లో కూడా చిరంజీవితో విశ్వంభర, కమల్ హాసన్ థగ్ లైఫ్, మోహన్ లాల్-రామ్, అజిత్-విదా ముయార్చి, టోవినో థామస్-ఐడెంటిటీ సినిమాలతో త్రిష డైరీ ఫుల్ బిజీ. గతేడాది తనపై వచ్చిన వివాదాలకూ ధీటుగా స్పందించింది త్రిష. చిరంజీవి సైతం ఆమెకు మద్దతుగా నిలిచారు. తన నటన, అందంతో త్రిష మరింత పేరు ప్రఖ్యాతులు, విజయాలు సాధించాలని కోరుకుంటూ బర్త్ డే విషెష్ చెప్తోంది ‘టీమ్ తెలుగు బులెటిన్’.
Wishing the eternal beauty and the epitome of charm @trishtrashers a very Happy Birthday ✨
— Team #Vishwambhara
In cinemas 10th Jan 2025 🌠
MEGASTAR @KChiruTweets @DirVassishta @mmkeeravaani @NaiduChota @mayukhadithya @sreevibes @gavireddy_srinu @UV_Creations pic.twitter.com/2uvQpjhWWo
— UV Creations (@UV_Creations) May 4, 2024