ఆంధ్ర ప్రదేశ్ ముఖ్యమంత్రి ఆయన ప్రస్తుతానికి.! ఎన్నికల తర్వాత ఆ పదవి వుంటుందా.? ఊడుతుందా.? అన్నది వేరే చర్చ. ఓ రాజకీయ పార్టీకి అధినేత కూడా.! ఎంత బాధ్యతగా మాట్లాడాలి.? అదీ కుటుంబ సభ్యుల విషయంలో మాట్లాడేటప్పుడు ఇంకెంత బాధ్యతగా వ్యవహరించాలి.?
ప్చ్.. ఇవేవీ వైఎస్ జగన్ మోహన్ రెడ్డిలో కనిపించవు. రాజకీయ ప్రత్యర్థి పవన్ కళ్యాణ్ విషయంలో అయినా అంతే, తోడబుట్టిన చెల్లెలు వైఎస్ షర్మిల విషయంలో అయినా అంతే.! మరీ ఇంత నీఛమా.? అంతేనేమో.!
‘వైఎస్ రాజశేఖర్ రెడ్డి వారసులు అంటే ఎవరు.?’ అని మొదలెట్టి, తన సోదరి షర్మిల, వైఎస్ రాజశేఖర్ రెడ్డి వారసురాలు కాదంటూ తీర్మానించేశారు. ‘వైఎస్ రాజశేఖర్ రెడ్డికి పుట్టలేదు..’ అంటూ కొన్నాళ్ళ క్రితం ఓ వైసీపీ ఎమ్మెల్యే చాలా దారుణమైన వ్యాఖ్యలు షర్మిల ‘పుట్టుక’పై చేస్తే, అది ఆయన పైత్యం అనుకున్నారంతా.. కానీ, అసలు విషయం ఇదీ.!
వైఎస్ షర్మిల మీద ఆ స్థాయి విమర్శలకు వైఎస్ జగన్ మోహన్ రెడ్డి గ్రీన్ సిగ్నల్ ఇచ్చారని, ఇప్పుడు జగన్ వ్యాఖ్యల్ని చూస్తే అర్థమవుతోంది. నిజానికి, వైఎస్ జగన్ బహిరంగ సభల్లో ప్రసంగించడంలేదు.. ఎవరో రాసిస్తున్న ప్రసంగాల్ని ఆయన చదువుతున్నారంతే.
మరీ, ప్రసంగాల్లో ఏం రాసుందో అర్థం చేసుకోలేనంత అమాయకుడైతే కాదు కదా వైఎస్ జగన్ మోహన్ రెడ్డి.! అంటే, వైఎస్ జగన్ మోహన్ రెడ్డికి అంతా తెలిసే జరుగుతోంది. అత్యంత అసభ్యకరమైన ప్రసంగాల్ని ఆయనే తయారుచేయించుకుంటున్నారు.
లేకపోతే, పసుపు చీర కట్టుకుని, టీడీపీ అధినేత చంద్రబాబు దగ్గర మోకరిల్లిందంటూ తన సోదరి వైఎస్ షర్మిల మీద అంతటి దిగజారుడు వ్యాఖ్యల్ని వైఎస్ జగన్ ఎలా చేయగలుగుతారు.? ‘చంద్రబాబు వారసురాలు వైఎస్ షర్మిల’ అని అత్యంత హేయమైన వ్యాఖ్యల్ని వైఎస్ జగన్ ఎలా చేస్తారు.?
రాజకీయాల్లో విమర్శలు సహజమే కావొచ్చు.! కానీ, ఇలానా.? మరీ, చెల్లెలి చీర రంగు గురించి రాజకీయ వేదికపై వైఎస్ జగన్ మోహన్ రెడ్డి వ్యాఖ్యలు చేయడమా.? చీర కట్టు అంటే, భారతీయ మహిళ ఆత్మగౌరవం.! ఆ చీరకట్టుని అవమానించడమేంటి.?
వస్త్ర ధారణ విషయంలో మహిళల్ని కించపర్చకూడదు. ఆ మాటకొస్తే, మగాళ్ళనైనా కించపర్చకూడదు. ఫలానా రంగు వేసుకోవాలని ఏ రాజ్యాంగమూ ఆదేశించదు. ఏ చట్టంలోనూ అలాంటి నిబంధనలు వుండవు.
పసుపు అంటే, తెలుగు దేశం పార్టీ.. అనే భయంలో వైఎస్ జగన్ మోహన్ రెడ్డి కొట్టుమిట్టాడుతున్న వైనం తాజాగా ఆయన చేసిన వ్యాఖ్యల్ని చూస్తే అర్థమవుతుంది. పసుపు రంగు శుభప్రదం.! పసుపు అనేది యాంటీబయాటిక్.! పసుపు అనేది ఔషధం.! పసుపు, సంప్రదాయ భారత మహిళ ఆత్మగౌరవం.!
వైఎస్ జగన్ వాలకం చూస్తోంటే, ఇంకోసారి అధికారంలోకి వస్తే, రాష్ట్రంలో మహిళలెవరూ పసుపు చీరలు కట్టుకోకూడదనే నిబంధనలు తీసుకొస్తారేమో.! వైఎస్ షర్మిల చీర రంగుపై వైఎస్ జగన్ వ్యాఖ్యల్ని, వైఎస్ జగన్ మోహన్ రెడ్డి సతీమణి భారతి అయినా హర్షిస్తారని అనుకోలేం.!
దిగజారడంలో ఇది వేరే లెవల్.! పులివెందుల నియోజకవర్గంలో వైసీపీ నుంచి అసెంబ్లీ అభ్యర్థిగా నామినేషన్ వేసే క్రమంలో వైఎస్ జగన్, తన సోదరి షర్మిల చీర రంగు మీద చేసిన కామెంట్, రాజకీయంగా వైఎస్ జగన్ స్థానికి పాతాళానికంటే ఇంకా చాలా లోతుగా పాతరేసింది. సోదరుడి పైత్యపు వ్యాఖ్యలపై సోదరి షర్మిల ఎలాంటి కామెంట్స్ చేస్తారో వేచి చూడాలి.