Vijay Devarakonda : విజయ్ దేవరకొండ హీరోగా మృణాల్ ఠాకూర్ హీరోయిన్ గా పరశురామ్ దర్శకత్వంలో దిల్ రాజు నిర్మిస్తున్న ఫ్యామిలీ స్టార్ సినిమా విడుదలకు సిద్ధం అయ్యింది. ఏప్రిల్ 5న విడుదల అవ్వబోతున్న ఈ సినిమా ప్రమోషన్ కార్యక్రమాలు జోరుగా సాగుతున్నాయి.
ఈ సమ్మర్ లో రాబోతున్న మొదటి సినిమా అవ్వడంతో అంచనాలు భారీగా ఉన్నాయి. రేపు ఈ సినిమా ట్రైలర్ ని విడుదల చేయబోతున్నట్లుగా అధికారికంగా ప్రకటన వచ్చింది. రేపు ఉదయం 10 గంటలకు చిత్ర యూనిట్ సభ్యులు శ్రీరాములు థియేటర్ లో ట్రైలర్ ను విడుదల చేయబోతున్నారు.
మృణాల్ ఠాకూర్ నటించిన సీతారామం మరియు హాయ్ నాన్న సినిమాలు బాక్సాఫీస్ వద్ద మంచి విజయాలను సొంతం చేసుకున్న నేపథ్యంలో హ్యాట్రిక్ ఖాయం అంటూ అంతా మాట్లాడుకుంటూ ఉన్నారు. మరో వైపు ఖుషి సినిమా తర్వాత విజయ్ దేవరకొండ నుంచి మరో డీసెంట్ హిట్ రాబోతుంది అంటూ యూనిట్ సభ్యులు చెబుతున్నారు.
ఈ సినిమా ప్రమోషన్ కార్యక్రమాలు జోరుగా సాగుతున్నాయి. ఇటీవల హోళీ సందర్బంగా చిత్ర యూనిట్ సభ్యులు జనాల మధ్యకు వెళ్లి వేడుక జరుపుకున్నారు. ఆ వీడియో లు సోషల్ మీడియాలో తెగ వైరల్ అయ్యాయి. ఇప్పుడు ఫ్యామిలీ స్టార్ ఓపెనింగ్ పై క్లారిటీ రావాలి అంటే ట్రైలర్ విడుదల అవ్వాల్సి ఉంది.