Love Me : ప్రముఖ నిర్మాత దిల్ రాజు ప్రస్తుతం అర డజనుకు పైగా సినిమాలను నిర్మిస్తున్నారు. రామ్ చరణ్, శంకర్ ల గేమ్ చేంజర్ సినిమాతో పాటు విజయ్ దేవరకొండ ‘ఫ్యామిలీ స్టార్’ సినిమా ఇంకా పలు సినిమాలు నిర్మిస్తున్నాడు. అందులో ఆయన ఇంటి వారసుడు ఆశీష్ హీరోగా రూపొందుతున్న లవ్ మీ సినిమా కూడా ఉంది.
బేబీ ఫేమ్ వైష్ణవి చైతన్య హీరోయిన్ గా ఆశీష్ హీరోగా రూపొందిన ఈ సినిమా టీజర్ ఇటీవలే ప్రేక్షకుల ముందుకు వచ్చింది. ఈ సినిమా పై ఆసక్తి కలిగించే విధంగా టీజర్ ఉంది. ఆకట్టుకునే కథాంశంతో ఈ సినిమాను రూపొందించినట్లుగా టీజర్ ను చూస్తే అర్థం అవుతుంది.
తాజాగా ఈ సినిమా విడుదల తేదీని ఏప్రిల్ 26 కి ఫిక్స్ చేసినట్లుగా సమాచారం అందుతోంది. అదే నెలలో దిల్ రాజు ఫ్యామిలీ స్టార్ ను 5వ తారీకున విడుదల చేయబోతున్న విషయం తెల్సిందే. ఒకే నెలలో దిల్ రాజు బ్యానర్ నుంచి రెండు సినిమాలు రాబోతున్నాయి. ఇలా ఒకే నెలలో ఒకే నిర్మాత నుంచి రెండు సినిమాలు రావడం అనేది ఈ మధ్య కాలంలో చాలా అరుదుగా జరుగుతుంది.