రాశి ఫలాలు: శుక్రవారం 18 ఫిబ్రవరి 2022

పంచాంగం

శ్రీ ప్లవనామ సంవత్సరం ఉత్తరాయణం శిశిర ఋతువు మాఘమాసం కృష్ణపక్షం

సూర్యోదయం: ఉ 6:30
సూర్యాస్తమయం : సా‌.5:59
తిథి: మాఘ బహుళ విదియ రా.10:53 వరకు తదుపరి తదియ
సంస్కృతవారం: భృగువాసరః (శుక్రవారం)
నక్షత్రము : పుబ్బ సా.5:14 వరకు తదుపరి ఉత్తర
యోగం: సుకర్మ రా.7:14 వరకు ధృతి
కరణం: తైతుల ఉ.10:55 వరకు తదుపరి గరజి
వర్జ్యం: రా.12:30 నుండి 2:07 వరకు
దుర్ముహూర్తం.:ఉ.8:50 నుండి 9:35వరకు తదుపరి మ.12:38 నుండి 1:23 వరకు
రాహుకాలం: ఉ.10:30 నుండి 12:00 వరకు
యమగండం:మ.3:00 నుండి సా.4:30 వరకు
గుళికా కాలం :ఉ.8:11 నుండి 9:37 వరకు
బ్రాహ్మీ ముహూర్తం: తె.5:08 నుండి ఉ.5:56 వరకు
అమృతఘడియలు: ఉ.10:40 నుండి మ.12:19 వరకు
అభిజిత్ ముహూర్తం: మ.12:07 నుండి 12:53 వరకు

ఈరోజు (18-02-2022) రాశి ఫలితాలు

మేషం: ఆదాయం అంతంత మాత్రంగా ఉంటుంది. ఋణ సమస్యల వలన మానసిక ఒత్తిడి పెరుగుతుంది. కుటుంబ సభ్యులతో మాటపట్టింపులు ఉంటాయి. వృత్తి వ్యాపారాలు ఆశించిన రీతిలో రాణించవు. ఉద్యోగమున అధికారులతో నూతన సమస్యలు తప్పవు. ఆధ్యాత్మిక చింతన పెరుగుతుంది.

వృషభం: చేపట్టిన పనులలో అవరోదాలు అధిగమించి సకాలంలో పూర్తి చేస్తారు. సోదరుల నుండి శుభకార్య ఆహ్వానాలు అందుతాయి. విద్యార్థులు పోటీ పరీక్షలలో విజయం సాధిస్తారు. వృత్తి వ్యాపారాలు మరింత ఉత్సాహంగా సాగుతాయి. నూతన వాహనం కొనుగోలు చేస్తారు. సోదరుల నుండి శుభవార్తలు అందుతాయి.

మిథునం: కొన్ని వ్యవహారాలు మందకొడిగా సాగుతాయి. వృత్తి ఉద్యోగాలలో అదనపు బాధ్యతలు వలన తగిన విశ్రాంతి ఉండదు. ఇంటా బయట గందరగోళ పరిస్థితులుంటాయి. ధన వ్యవహారాలు అంతగా కలసిరావు. నూతన వ్యాపారాల ప్రారంభానికి అవరోదాలుంటాయి. దైవ సేవా కార్యక్రమాలలో పాల్గొంటారు.

కర్కాటకం: నూతన విషయాలపై దృష్టి సారిస్తారు. చిన్ననాటి మిత్రుల సహాయంతో పనులు సకాలంలో పూర్తిచేస్తారు. ఇంటాబయట కొన్ని ఆశ్చర్యకరమైన సంఘటనలు చోటుచేసుకుంటాయి. విద్యార్థులు కష్టానికి తగిన ఫలితం పొందుతారు. వ్యాపారాలలో ఆశించిన పురోగతి సాధిస్తారు. ఆదాయమార్గాలు పెరుగుతాయి.

సింహం: చిన్ననాటి మిత్రులతో పుణ్యక్షేత్రాలు సందర్శిస్తారు. వృత్తి ఉద్యోగాలలో అధికారుల నుండి విమర్శలు తప్పవు. ఆదాయనికి మించి ఖర్చులు పెరుగుతాయి. ఇతరుల వ్యవహారాలలో జోక్యం చేసుకోవడం మంచిది కాదు. వ్యాపారమున తొందరపాటు నిర్ణయాలు తీసుకుని నష్టపడతారు.

కన్య: నూతన కార్యక్రమాలు ప్రారంభానికి శ్రీకారం చుడతారు.ఆర్థిక పరిస్థితి అనుకూలించి పాత ఋణాలు తీరుస్తారు కొన్ని వ్యవహారాలలో ఆప్తుల సలహాలు కలసి వస్తాయి. మిత్రులతో దూర ప్రయాణ సూచనలున్నవి. వ్యాపార విస్తరణకు నూతన పెట్టుబడులు అందుతాయి. వృత్తి ఉద్యోగాలలో ఆశించిన పురోగతి లభిస్తుంది.

తుల: చేపట్టిన వ్యవహారాలు విజయం సాధిస్తారు నిరుద్యోగులకు నూతన ఉద్యోగవకాశాలు లభిస్తాయి విద్యార్థులు నూతనోత్సాహంతో ముందుకు సాగుతారు. వృత్తి వ్యాపారాలలో సమస్యలను అధిగమించి లాభాలు పొందుతారు. ఉద్యోగమున అందరితో సఖ్యతగా వ్యవహరించిన ప్రశంసలు అందుకుంటారు.

వృశ్చికం: ఇంటాబయట ఒత్తిడులు అధికమవుతాయి. అనారోగ్య సమస్యలను అశ్రద్ధ చేయడం మంచిది కాదు కుటుంబ సభ్యుల ప్రవర్తన మానసికంగా బాధిస్తుంది. ఆర్థిక వ్యవహారాలు నిరుత్సాహపరుస్తాయి. వృత్తి వ్యాపారాలలో ఊహించని స్థానచలన సూచనలు ఉన్నవి. పితృవర్గం వారితో మాట పట్టింపులుంటాయి.

ధనస్సు: నిరుద్యోగప్రయత్నాలు నిరుత్సాహపరుస్తాయి వృత్తి వ్యాపారాలు సామాన్యంగా సాగుతాయి ఆధ్యాత్మిక సేవా కార్యక్రమాలలో పాల్గొంటారు. వ్యాపారాలలో అధిక శ్రమతో అల్ప ఫలితం పొందుతారు. దూర ప్రయాణాలు వాయిదా వెయ్యడం మంచిది. ఇతరుల వ్యవహారాలలో జోక్యం చేసుకోకపోవడం మంచిది కాదు.

మకరం: సంతాన వివాహ విషయమై ప్రస్తావన వస్తుంది గృహనిర్మాణ పనులు వేగవంతం చేస్తారు. ఇతరుల అవసరానికి సైతం ధన సహాయం చేస్తారు. వివాదాలకు సంభందించి కీలక సమాచారం అందుతుంది. వృత్తి వ్యాపారాలు లాభసాటిగా సాగుతాయి ఉద్యోగమున మీ మాటకు విలువ మరింత పెరుగుతుంది.

కుంభం: చేపట్టిన పనులలో కష్టానికి తగిన ఫలితం లభిస్తుంది. గృహ నిర్మాణ ఆలోచనలు ఆచరణలో పెడతారు. మిత్రుల నుండి శుభకార్య ఆహ్వానాలు అందుతాయి ఆర్థిక వ్యవహారాలు ఆశజనకంగా ఉంటాయి. కొన్ని వ్యవహారాలలో సన్నిహితుల సహాయ సహకారాలు అందుతాయి. వ్యాపార ఉద్యోగాలు లాభసాటిగా సాగుతాయి.

మీనం: ఆర్థిక వ్యవహారాలు మందగిస్తాయి. చేపట్టిన పనులలో శ్రమాధిక్యత తప్పదు. ఇతరులతో తొందరపడి మాట్లాడటం మంచిది కాదు. ముఖ్యమైన వ్యవహారాలు వాయిదా పడుతాయి. నూతన పెట్టుబడుల విషయంలో పునరాలోచన చెయ్యడం మంచిది ఉద్యోగమున చిన్న పాటి ఇబ్బందులు తప్పవు. సంతాన విద్యా విషయాలు కొంత నిరుత్సాహపరుస్తాయి.