జీఎస్‌ఎల్‌వీ రాకెట్‌ని ‘నాటీ బాయ్‌’గా అభివర్ణిస్తుంటారు ఇస్రో శాస్త్రవేత్తలు. భారత అంతరిక్ష పరిశోధనా రంగంలో జీఎస్‌ఎల్‌వీ రాకెట్‌ అత్యంత ప్రత్యేకమైనది. అమెరికా ఆంక్షల కారణంగా క్రయోజనిక్‌ పరిజ్ఞానం సంతరించుకునేందుకు ఇస్రో పడ్డ పాట్లు అన్నీ ఇన్నీ కావు. ఎలాగైతేనేం, క్రయోజనిక్‌ టెక్నాలజీని భారత్‌ అందిపుచ్చుకుంది. అయితే, అడపా దపడా జీఎస్‌ఎల్‌వీ రాకెట్‌, ఇస్ట్రోకి చిన్న చిన్న షాక్‌లు ఇస్తూ వస్తోంది. ఈ నెల 15వ తేదీన జీఎస్‌ఎల్‌వీ రాకెట్‌ ద్వారా అంతరిక్షంలోకి వెళ్ళాల్సిన ‘చంద్రయాన్‌-2’, సాంకేతిక కారణాలతో వాయిదా పడిన విషయం విదితమే.
నరాలు తెగే ఉత్కంఠ నడుమ, ఈ రోజు మధ్యాహ్నం 2 గంటల 43 నిమిషాలకు ఇస్రో ‘బాహుబలి’ అంతరిక్షంలోకి దూసుకుపోయింది. నిప్పులు చిమ్ముతూ జీఎస్‌ఎల్‌వీ రాకెట్‌, ‘చంద్రయాన్‌-2’ని ఆకాశంలోకి తీసుకెళ్ళింది. ప్రయోగం జరిగాక.. ప్రతి దశకీ ఇస్రో శాస్త్రవేత్తలే కాదు, 130 కోట్ల మంది భారతీయులూ తీవ్ర ఉత్కంఠ అనుభవించారు. ఎప్పుడైతే క్రయోజనిక్‌ ఇంజిన్‌ పెర్‌ఫెక్ట్‌గా సరైన సమయానికి షట్‌ ఆఫ్‌ అయ్యిందో.. ఇస్రో శాస్త్రవేత్తల్లో ఆనందోత్సాహాలు వెల్లివిరిశాయి.
నిజానికి, చంద్రయాన్‌-2 అప్పుడే పూర్తయిపోలేదు. అసలు కథ ఇప్పుడే మొదలైంది. రానున్న 40 నుంచి 50 రోజులు ఈ ప్రయోగంలో అత్యంత కీలకం. తొలుత భూమి చుట్టూ, ఆ తర్వాత చంద్రుని చుట్టూ తిరిగి, చివరకు చంద్రుని మీద ల్యాండ్ అయ్యాక ‘చంద్రయాన్‌-2’ ప్రాజెక్ట్‌ విజయవంతమైనట్లు లెక్క.
మిగతా క్లిష్టమైన పరిస్థితులు ఓ ఎత్తు, జీఎస్‌ఎల్‌వీ రాకెట్‌, అంతరిక్షంలోకి పెర్‌ఫెక్ట్‌గా దూసుకెళ్లడం ఇంకో ఎత్తు. సో, కీలకమైన దశని విజయవంతంగా ఇస్రో పూర్తి చేసిందన్నమాట. ఇక, చంద్రుని ఆర్బిట్‌లోకి ఉపగ్రహం చేరడం, ల్యాండర్‌ చంద్రుడిపై దిగడం, అందులోంచి రోవర్‌ చంద్రుడిపై నడవడం.. ఇవన్నీ జరగాల్సి వుంది. 130 మంది భారతీయుల ప్రార్థనలు ఫలించి.. ఆ ఘనత కూడా భారత్‌ సొంతం చేసుకోవాలని ఆశిద్దాం.
265294 592227Hello I found the Free Simple Shopping Icons Download | Design, Tech and Internet post really interesting therefore Ive included our track-back for it on my own webpage, continue the excellent job:) 420868
471988 531194I was suggested this internet site by my cousin. Im not positive whether this post is written by him as no 1 else know such detailed about my trouble. You are great! Thanks! xrumer 616457