ఏపీ ప్రభుత్వం అప్పులపై కేంద్రం లెక్కలు..!!

ఏపీ ప్రభుత్వం అప్పులు ఎక్కువగా చేయడంతో ఆర్థిక పరిస్థితి దారుణంగా ఉందనే ఆరోపణలకు కేంద్రం వెల్లడించిన వివరాలు ఊతమిచ్చాయి. రాజ్యసభలో టీడీపీ ఎంపీ కనకమేడల అడిన ప్రశ్నకు కేంద్రం సమాధానం ఇచ్చింది. 2019 ఏప్రిల్ 1 నుంచి కార్పొరేషన్‌లు, కంపెనీల పేరుతో రూ.56,076 కోట్లు అప్పుగా తీసుకుందని కేంద్రం తెలిపింది. ఇవన్నీ బడ్జెటేతర అప్పులుగా తేల్చింది.

ఎస్‍బీఐ నుంచి 15వేల కోట్లు,  బ్యాంక్ ఆఫ్ బరోడా నుంచి 9వేల కోట్లు, బ్యాంక్ ఆఫ్ ఇండియా నుంచి 7వేల కోట్లు, యూబీఐ నుంచి 6,800 కోట్లు, పంజాబ్ నేషనల్ బ్యాంక్ నుంచి 5,700 కోట్లు, ఇండియన్ బ్యాంక్ నుంచి 4వేల కోట్లకుపైగా అప్పు తీసుకుంది. ఈమేరకు ప్రతిపక్షాలు ఏపీ ప్రభుత్వంపై చేస్తున్న ఆరోపణలకు రాజ్యసభలో కేంద్రం ఇచ్చిన సమాధానం బలం చేకూరినట్టైంది.