భార్య-బావమరిదిపై అనుమానం.. భర్త ఏం చేసాడంటే..?

కట్టుకున్న భార్య, సొంత బావమరిదిపై అనుమానం పెనుభూతంగా మారడంతో సొంత బావమరిదిని బావ హత్య చేసిన ఉదంతం వెలుగులోకి వచ్చింది. ఈ దారుణ సంఘటన ప్రకాశం జిల్లాలోని దర్శి మండలం నిమ్మారెడ్డిపాలెంలో జరిగింది. పోలీసులు తెలిపిన వివరాల ప్రకారం.. గ్రామానికి చెందిన పోకూరి రామస్వామి (55) అక్కను దామా సుబ్బారావు గతంలో పెళ్లి చేసుకున్నాడు. గ్రామంలో గత ఏడాది రామస్వామి సొంత ఇంటిని కట్టుకునే నేపథ్యంలో భూమి పూజ చేశాడు. ఈ సమయంలో ఇంట్లో బంధువులు ఉండడంతో అక్క ఇంటికి వెళ్లి నిద్రపోయాడు రామస్వామి. ఆ సమయంలో వీరిద్దరూ పక్కపక్కనే నిద్రపోవడం చూసి ఇద్దరిపై అనుమానం పెంచుకున్నాడు సుబ్బారావు.

ఈనెల 12వ తేదీ రాత్రి రామస్వామి గొర్రెలదొడ్డి ప్రాంతంలో కాపలాకు నిద్రపోయాడు. ఇదే అదునుగా భావించిన సుబ్బారావు రోకలిబండతో దారుణంగా కొట్టాడు. మొహంపై తీవ్ర గాయాలు కావడంతో రామస్వామి అక్కడికక్కడే మృతి చెందాడు. అప్పటి నుంచి సుబ్బారావు పరారీలో ఉన్నాడు. దీంతో.. అప్పటి నుంచి ఈ హత్య ఎవరు చేశారో తెలియక మిస్టరీగా మారింది. మొత్తానికి సుబ్బారావు స్థానిక వీఆర్వో వద్ద లొంగిపాయాడు. భార్య, బావమరిదిపై అనుమానంతో సుబ్బారావే ఈ హత్య చేశాడు.. అని[MKA1] పోలీసులు తెలిపారు. నిందితుడు హత్యకు ఉపయోగించిన రోకలిని పోలీసులు స్వాధీనం చేసుకున్నారు. నిందితుడిని త్వరలోనే కోర్టులో హాజరుపరచనున్నారు.