Pawan Kalyan: పవర్ స్టార్ పవన్ కల్యాణ్ (Pawan Kalyan) హీరోగా తెరకెక్కుతున్న పిరియడికల్ మూవీ ‘హరిహర వీరమల్లు’ (Harihara Veeramallu). ఈరోజు విడుదలైన టీజర్ అభిమానులను ఆకట్టుకుంటోంది. పేదల పక్షాన పోరాడే యోధుడిగా పవన్ మేకోవర్, యాక్షన్ కు ఫ్యాన్స్ ఫిదా అయిపోతున్నారు. టీజర్ విడుదల చేసిన క్రమంలో సినిమా దర్శకుడి మార్పు జరిగిందని మేకర్స్ కీలక ప్రకటన చేశారు.
‘స్నేహం కోసం, నీ మనసు నాకు తెలుసు, ఆక్సిజన్’ వంటి సినిమాలకు రచయిత, దర్శకుడిగా పని చేసిన జ్యోతి కృష్ణ ‘హరిహర వీరమల్లు’ బ్యాలన్స్ షూటింగ్ పూర్తి చేయనున్నారు. క్రిష్ ఆధ్వర్యంలోనే పోస్ట్ ప్రొడక్షన్ పనులు జరుగబోతున్నాయి. సినిమా పూర్తి కావడంలో ఆలస్యం జరుగుతున్న కారణంగానే ఈ నిర్ణయం తీసుకున్నా’మని తెలిపారు.
17వ శతాబ్దం నేపథ్యంలో తెరకెక్కుతున్న సినిమా రెండు భాగాలుగా రానుంది. మొదటి భాగాన్ని ‘స్వార్డ్ వర్సెస్ స్పిరిట్’ పేరుతో విడుదల కానుంది. నిధి అగర్వాల్ హీరోయిన్.. బాబి డియోల్ విలన్ గా నటిస్తున్నారు. కీరవాణి సంగీతం అందిస్తున్నారు. సినిమా ఈ ఏడాది విడుదల కానుంది.