మా డిమాండ్లు నెరవేరే వరకు యుద్దం ఆపేది లేదు

ఉక్రెయిన్ పై యుద్ధానికి దిగిన రష్యా ఎట్టి పరిస్థితుల్లో వెనక్కి తగ్గేది లేదు అన్నట్లుగా ముందుకు దూసుకు వెళుతోంది. ఉక్రెయిన్ లో ఉన్న విదేశీయులను వారి వారి ప్రదేశాలకు పంపించేందుకు ఏర్పాట్లు చేసేందుకు గానూ  యుద్ధానికి కాస్త విరామం ఇచ్చి మళ్లీ భారీ ఎత్తున విధ్వంసానికి పాల్పడతం  అని అధికారికంగా ప్రకటించడం జరిగింది.  రష్యా అధ్యక్షుడు పుతిన్ మాట్లాడుతూ.. తమ డిమాండ్లు నెరవేరే వరకు యుద్ధం సాగుతుందని ముందు ముందు యుద్ధం మరింతగా పెరుగుతుంది అన్నట్లుగా హెచ్చరించారు.

దేశ భద్రతకు ముప్పు వాటిల్లే ఏ విషయం అయినా కూడా మేము సీరియస్ గా ఉంటాం అన్నట్లుగా ఆయన హెచ్చరించారు. ఆ దేశం తీసుకుంటున్న నిర్ణయాల వల్ల తమ దేశ సమగ్రతకు, భద్రతకు ముప్పు వాటిల్లే అవకాశం ఉంది.  అందుకే తమ దేశ సంక్షేమం కోసం యుద్ధం చేస్తున్నట్లుగా ప్రెసిడెంట్ ప్రకటించాడు.  సామాన్యులు మా టార్గెట్ కాదని కేవలం పట్టు సాధించడమే తమ టార్గెట్ అన్నట్లుగా రష్యా బలగాలు దూసుకెళ్తున్నా కానీ, అక్కడ అక్కడ సామాన్యులు కూడా  చని పోవడం విచారకరం.  మూడు నాలుగు రోజుల్లో ముగుస్తుంది అని భావించిన యుద్ధం కాస్త పది రోజులైనా కొనసాగుతూనే ఉంది.   ఈ యుద్ధం మూడవ ప్రపంచ యుద్ధానికి దారి తీస్తుందా అనే అనుమానాలు కూడా వ్యక్తమవుతున్నాయి. పుతిన్ మాత్రం ఎట్టి పరిస్థితుల్లో యుద్ధాన్ని ఆపేది లేదని స్పష్టం చేశాడు. ఉక్రెయిన్ కూడా ఏమాత్రం వెనక్కి తగ్గకుండా ఎదుర్కొంటామని సవాల్ ని స్వీకరిస్తుంది.