Anand Devarakonda: ‘బేబి’ సినిమాతో బ్లాక్ బస్టర్ హిట్ సాధించిన యంగ్ హీరో ఆనంద్ దేవరకొండ (Anand Devarakonda) నటించిన కొత్త సినిమా “గం..గం..గణేశా” (Gum Gum Ganesha). యాక్షన్ నేపథ్యంలో నూతన దర్శకుడు ఉదయ్ శెట్టి తెరకెక్కించారు. హై-లైఫ్ ఎంటర్ టైన్మెంట్ బ్యానర్ పై కేదార్ సెలగంశెట్టి, వంశీ కారుమంచి నిర్మిస్తున్నారు. ఇప్పటివరకూ లవర్ బాయ్ గా నటించిన ఆనంద్ దేవరకొండ కెరీర్లో తొలిసారి నటిస్తున్న ఫస్ట్ యాక్షన్ మూవీ “గం..గం..గణేశా”.
ఈక్రమంలో సినిమా పోస్టర్, రిలీజ్ డేట్ ను మేకర్స్ అధికారికంగా ప్రకటించారు. మే 31న “గం..గం..గణేశా” సినిమాను భారీగా విడుదల చేస్తున్నట్టు వెల్లడించారు. ఈ సందర్భంగా విడుదల చేసిన పోస్టర్ యాక్షన్ నేపథ్యాన్ని తలపిస్తోంది. కొండ అంచున నిలబడి మెషిన్ గన్ తో ఫైర్ చేస్తున్న ఆనంద్ దేవరకొండ లుక్ ఆకట్టుకుంటోంది.
వేసవిలో ప్రేక్షకులకు వినోదంతోపాటు యాక్షన్ నేపథ్యం ఉన్న “గం..గం..గణేశా” అన్ని వర్గాల ప్రేక్షకుల్ని అలరించేలా తెరకెక్కించినట్టు మేకర్స్ తెలిపారు. సినిమాలో కంటెంట్ ప్రేక్షకులకు నచ్చుతుందనే ఆశాభావం వ్యక్తం చేశారు. ప్రగతి శ్రీవాస్తవ హీరోయిన్ నటిస్తోంది.