Hassan: పార్లమెంట్ ఎన్నికల నేపథ్యంలో కర్ణాటకలో హాసన్ సెక్స్ కుంభకోణం రాజకీయ ప్రకంపనలు రేపుతోంది. మాజీ మంత్రి రేవణ్ణ, ఆయన కుమారుడు ఎంపీ ప్రజ్వల్ పై లైంగిక దౌర్జన్యం కేసులు నమోదవడమే ఇందుకు కారణం. కేసు నమోదు చేసిన భవానీ అనే మహిళ రేవణ్ణకు స్వయానా మేనత్త కుమార్తె (సోదరి వరుస) కావడం విశేషం.
2015లో తమ ఇంట్లో పనికి చేర్పించుకుని అనేక దఫాలుగా తనపై లైంగిక దౌర్జన్యానికి పాల్పడ్డారని ఆరోపించారు. స్టోర్ రూమ్, వంట గదిలో తనపై వికృత చేష్టలకు పాల్పడ్డారని.. ఒంటికి తైలం పట్టాలని స్నానాల గదికి పిలిచి లైంగికంగా వేధించారని వాపోయారు. తన కుమార్తెకు వీడియో కాల్ చేసి ప్రజ్వల్ అసభ్యంగా ప్రవర్తించినట్టు తెలిపారు.
భర్త నుంచి ఎదురైన పరిస్థితుల నేపథ్యంలో ఫిర్యాదు చేస్తున్నట్టు ఆమె వెల్లడించారు. మరోవైపు.. ప్రజ్వల్ యువతులను లైంగిక వాంఛలు తీర్చుకుని వీడియోలుగా చేసినట్టు నెటిజన్లు దుయ్యబడుతున్నారు. మార్కెట్లో ఇప్పటికే 3వేలకు పైగా వీడియోలు ఉన్నాయని అంటున్నారు. ఘటనపై రాష్ట్ర ప్రభుత్వం సిట్ ఏర్పాటు చేసింది. మరోవైపు ప్రజ్వల్ దేశం విడిచి జర్మనీ వెళ్లినట్టు వార్తలు వస్తున్నాయి.