ఆంధ్రపదేశ్ రాజధాని అమరావతి లో భూముల వ్యవహారానికి సంబంధించి ఇన్సైడర్ ట్రేడింగ్ జరిగిందని వైసీపీ, ప్రతిపక్షంలో వున్నప్పుడు ఆరోపించడం, అధికారంలోకి వచ్చాక, ఆ దిశగా విచారణ షురూ చేయడం తెలిసిన సంగతులే. ‘చంద్రబాబు, చినబాబు (లోకేష్) జైలుకు వెళ్ళడం ఖాయం..’ అంటూ వైసీపీ నేతలు చేసిన పబ్లిసిటీ స్టంట్లు అన్నీ ఇన్నీ కావు.
లక్ష కోట్ల రూపాయల అవినీతి.. 35 వేల ఎకరాల భూ కుంభకోణం.. అని ఆరోపణలు చేసిన వైసీపీ, చివరికి అధికారంలోకి వచ్చాక, 4 వేల ఎకరాల్లో అక్రమాలు జరిగాయంటూ కొత్త కథ వినిపించింది. పోనీ, ఆ కథలో అయినా చిత్తశుద్ధి వుందా.? అంటే అదీ కన్పించడంలేదాయె. దర్యాప్తు సంస్థలకు ఈ కేసుకి సంబంధించి ఎలాంటి సెక్షన్లు పెట్టాలో తెలియనంత అయోమయ స్థితి వుందంటే, ఇది టీడీపీని కాపాడేందుకు వైసీపీ వేసిన స్కెచ్.. అన్న అనుమానం కొందరు రాజకీయ విశ్లేషకుల్లో కనిపిస్తోంది.
‘ఐపీసీ, ఇన్సైడర్ ట్రేడింగ్కి వర్తించదు.. అసలు ఇన్సైడర్ ట్రేడింగ్ అనడంలో అర్థమే లేదు..’ అని న్యాయస్థానం తేల్చేసిందంటే, ప్రభుత్వం తరఫు వాదన ఎంత అర్థరహితంగా తయారైందో అర్థం చేసుకోవచ్చు. అయితే, హైకోర్టు తీర్పుని సుప్రీంకోర్టులో సవాల్ చేయాలని రాష్ట్ర ప్రభుత్వం భావిస్తోందట. అసలు ఐపీసీనే ఈ వ్యవహారానికి వర్తించదని హైకోర్టు తేల్చేశాక, సుప్రీంకోర్టులో సైతం ఇందుకు భిన్నంగా తీర్పు వస్తుందని ఎలా అనుకోగలం.? అన్నది కొందరు రాజకీయ పండితుల, న్యాయ పండితుల ఉవాచ.
ఒక్కటి మాత్రం నిజం.. అమరావతి పేరుతో చంద్రబాబు ప్రభుత్వం పబ్లిసిటీ స్టంట్లు మాత్రమే కాదు, రియల్ ఎస్టేట్ వ్యాపారం కూడా చేసింది. అప్పటి అధికార పార్టీ నేతలు చాలామంది అమరావతి కారణంగా లబ్ది పొందారు.. అదీ అనూహ్యమైన రీతిలో. కనీ వినీ ఎరుగని రీతిలో అమరావతి పేరు చెప్పి దోచుకున్నారు తెలుగు తమ్మళ్ళు. ఈ విషయమై వైసీపీ చేసిన ఆరోపణలు అన్నీ ఇన్నీ కావు. కానీ, ఇప్పుడు వైసీపీ చేస్తోన్నదేంటి.? ఆ పార్టీ నేతలు సోషల్ మీడియాలో ‘రెట్టలు’ (ట్వీట్లు, కామెంట్లు) వేయడం తప్ప, అమరావతి కుంభకోణాన్ని అధికార వైసీపీ నిరూపించలేకపోతోంది. వైసీపీ, టీడీపీ మధ్యనున్న ‘అవగాహన’ కారణంగానే ఇదంతా జరుగుతోందా.?
472678 378496Actually instructive and superb structure of articles, now thats user friendly (:. 470079
749465 348717A blog like yours ought to be earning much dollars from adsense.~::- 410816
386539 350302The vacation trades offered are evaluated a variety of within the chosen and simply very good value all about the world. Those hostels are normally based towards households which youll uncover accented by way of charming shores promoting crystal-clear fishing holes, concurrent of ones Ocean. Hotels Discounts 683830