వున్నపళంగా కర్నూలుపై అధికార వైసీపీ కి కొత్త ప్రేమ పుట్టుకొచ్చేసింది. న్యాయ రాజధానిగా కర్నూలు ని చేస్తామంటూ ఈ మేరకు మూడు రాజధానుల కాన్సెప్టుని తెరపైకి తెచ్చిన వైఎస్ జగన్ సర్కార్, కర్నూలు అబివృద్ధి పట్ల మాత్రం చిత్తశుద్ధి ప్రదర్శించలేకపోతోందన్నది నిర్వివాదాంశం. ఓ ప్రాంతం లేదా ఓ నగరం అభివృద్ధి జరగాలంటే.. అక్కడ రాజధాని వుంటేనే సాధ్యమవుతుందన్నది అర్థం పర్థం లేని వాదన.
కానీ, రాష్ట్రాన్ని ప్రాంతాల వారీగా విడగొట్టి, రాజకీయ లబ్ది పొందాలన్నది అధికార వైసీపీ ఆలోచనగా కనిపిస్తోంది. ఈ క్రమంలోనే ఉత్తరాంధ్రకి ఎగ్జిక్యూటివ్ క్యాపిటల్, రాయలసీమకు జ్యుడీషియరీ క్యాపిటల్.. అంటే చిత్ర విచిత్రమైన వాదనను తెరపైకి తెచ్చింది వైసీపీ. నిజానికి, ప్రభుత్వ పెద్దలకు చిత్తశుద్ధి వుంటే.. అభివృద్ధి ఎలాగైనా చేయొచ్చు.. అందుకు రాజధానిని, రాష్ట్రాన్ని మూడు ముక్కలు చెయ్యాల్సిన అవసరమే లేదు. అన్నిటికీ మించి, ఒక్క రాజధానికే దిక్కులేని దయనీయ స్థితిలో వున్న రాష్ట్రానికి మూడు రాజధానులేంటట.? ఎవరేమనుకున్నా డోన్ట్ కేర్.. తాము అనుకున్నదే చేయాలన్నది వైసీపీ సంకల్పంగా కనిపిస్తోంది.
తాజాగా కేంద్ర హోం మంత్రిని ఢిల్లీలో కలిసిన ముఖ్యమంత్రి వైఎస్ జగన్, కర్నూలుకి హైకోర్టుని తరలించేందుకు వీలుగా రీ-నోటిఫికేషన్ ఇవ్వాలని విజ్నప్తి చేశారట. దాంతోపాటే, ప్రత్యేక హోదా కూడా అడిగేశారు. పోలవరం ప్రాజెక్టుకి సంబంధించి సవరించిన అంచనాల ప్రకారం నిధులు విడుదల చేయాలనీ కోరేశారట. దిశ చట్టం సహా అనేక అంశాలు కేంద్ర హోం మంత్రితో భేటీ సందర్బంగా ముఖ్యమంత్రి వైఎస్ జగన్ ప్రస్తావించారట.
మంచిదే, రాష్ట్రానికి సంబందించిన ఆయా అంశాల్ని కేంద్రం దృష్టికి తీసుకెల్లడం ముఖ్యమంత్రి బాధ్యత. ఆ బాధ్యతల్ని ఆయన నిర్వర్తిస్తే తప్పుపట్టడానికేముంటుంది.? కానీ, ఇక్కడ చిత్తశుద్ధి అనేదే చర్చనీయాంశం. కేంద్రం మెడలు వంచి ప్రత్యేక హోదా సాధిస్తామన్నారు.. ఇప్పుడేమో, అధికారంలోకి వచ్చి రెండేళ్ళవుతున్నా.. కేంద్రాన్ని ఇంకా అడుగుతూనే వున్నారు.. అడుగుతూనే వుంటారు కూడా.
‘ప్రత్యేక హోదా తీసుకురాలేకపోతే రాజీనామా చేయాలి..’ అంటూ అప్పటి చంద్రబాబు ప్రభుత్వాన్ని డిమాండ్ చేసిన వైసీపీ, ఇప్పుడు అధికారంలో వుండి.. ‘అడుగుతూనే వుంటాం’ అంటే ఎలా.? త్వరలో తిరుపతి లోక్ సభ నియోజకవర్గానికి ఉప ఎన్నిక జరగనుంది. ఈ నేపథ్యంలో అటు ప్రత్యేక హోదా, ఇటు కర్నూలు హైకోర్టు.. వంటి అంశాల ద్వారా రాజకీయ రచ్చ చేయడానికి వీలుగా మాత్రమే ముఖ్యమంత్రి ఢిల్లీ పర్యటన ఎజెండా వుందనే విమర్శ రాజకీయ విశ్లేషకుల నుంచి వినిపిస్తోంది.
209871 306384I was reading some of your content material on this site and I conceive this internet internet site is actually informative ! Maintain on putting up. 598008
630644 989993Outstanding post, I feel weblog owners need to larn a great deal from this site its rattling user friendly . 621025
397893 984329hi this post aid me full . .in the event you want watches males pay a visit to my sites is very help you for males watches. .thank man excellent job. 51284