అంకెల పరంగా చూసుకుంటే, గత కొద్ది రోజులుగా ఆంధ్రప్రదేశ్‌లో కరోనా పాజిటివ్‌ కేసుల సంఖ్య తగ్గుముఖం పడుతోంది. కొన్నాళ్ళ క్రితం రోజుకి 10 వేల పైగా కేసులు నమోదైన పరిస్థితుల నుంచి, ఇప్పుడు ఏడెనిమది వేల కేసులు మాత్రమే నమోదవుతున్న పరిస్థితిని చూస్తున్నాం. కొత్త కేసుల నమోదు కంటే, రోజువారీ రికవరీలు ఎక్కువగా వుంటుండడం గమనార్హం.
మరోపక్క, మరణాల శాతం కూడా గణనీయంగా తగ్గిపోతోంది. సో, రాష్ట్రంలో ‘కరోనా కట్టడి’ బాగానే జరుగుతోందని అనుకోవాలన్నమాట. కానీ, కేవలం అంకెల్ని చూసి, రాష్ట్రంలో కరోనా అదుపులోకి వస్తోందని చెప్పగలమా.? గ్రౌండ్‌ లెవల్‌లో పరిస్థితులేంటి.? అని ఆలోచించుకోవాలి కదా.! పట్టణాల్లో కరోనా కేసుల సంఖ్య కాస్త తక్కువగా నమోదవుతోందన్నది అధికారులు చెబుతోన్నమాట.
అదే సమయంలో, కరోనా వ్యాప్తి గ్రామ స్థాయికి బలంగా వెళ్ళిపోయిందన్న కఠోర వాస్తవాన్ని విస్మరించలేం. నిజానికి, ఇదే అత్యంత ప్రమాదకరమైన పరిస్థితి. పట్టణాల్లో వైద్య సౌకర్యాలు అందుబాటులో వుంటాయి.. ఆసుపత్రులకు వెళ్ళేందుకు వీలుంటుంది. గ్రామాల్లో పరిస్థితి అలా వుండదు కదా.! ఇది కేవలం ఆంధ్రప్రదేశ్‌లోనే కాదు, తెలంగాణలోనూ.. ఆ మాటకొస్తే.. దేశవ్యాప్తంగానూ వర్తిస్తుంది. అందుకేనేమో.. గత కొద్ది రోజులుగా దేశంలోనూ రోజువారీ కొత్త కరోనా పాజిటివ్‌ కేసుల సంఖ్య తగ్గుతున్నట్లు కనిపిస్తోంది.
అదే సమయంలో, రికవరీల సంఖ్య అనూహ్యంగా పెరుగుతోంది. పట్టణాల్లో కరోనా తీవ్రత తగ్గితే తగ్గి వుండొచ్చుగాక. అక్కడ మరిన్ని టెస్టులు జరుగుతుండొచ్చుగాక. కానీ, గ్రామాల్లో కరోనా ప్రబలుతుండడంతో అక్కడి వివరాలు రికార్డులకెక్కడం అనుమానమే. అత్యంత అప్రమత్తంగా వుండాల్సిన సమయంలో, ‘కరోనా అదుపులోకి వచ్చేసింది..’ అంటూ ‘అన్‌లాక్‌’ దిశగా అడుగులేస్తుండడంతో.. మరింత ప్రమాదకర పరిస్థితి ఏర్పడుతోంది. కానీ, ఇప్పటికే జరగాల్సిన నష్టం జరిగిపోయింది. ఇక, జరిగే నష్టాన్ని ఆపడం అసాధ్యం. ఎవరికి వారు వ్యక్తిగత జాగ్రత్తలు తీసుకోక తప్పనిపరిస్థితి.
988753 223034just couldnt leave your web site before suggesting that I actually loved the standard information a person offer for your visitors? Is gonna be once more ceaselessly to check up on new posts 530492