‘ప్రస్తుతం కేంద్ర, రాష్ట్రాల వద్ద నయాపైసా లేదు.. ఈ పరిస్థితుల్లో కేంద్రం క్వాంటిటేటివ్ ఈజింగ్ (క్యూఈ) లేదా హెలికాప్టర్ మనీ ద్వారా డబ్బు ఇవ్వాలి’ అని తెలంగాణ సీఎం కేసీఆర్ శనివారం ప్రధాని మోదీకి విన్నవించారు. దీంతో ఈ హెలికాప్టర్ మనీ అంటే ఏమిటి అనే సందేహాలు ఉదయించాయి.
వరదలు సంభవించి ప్రజలు ఆహారం కోసం అల్లాడుతున్నప్పుడు హెలికాప్టర్ నుంచి ఆహార పొట్లాలు జారవిడవడం చాలామందికి తెలుసు. బాధితుల వద్దకు వెళ్లి ఆహారం అందించే పరిస్థితి లేకపోవడంతో ఇలా ఆహార పొట్లాలను హెలికాప్టర్ నుంచి జారవిడుస్తారు. వాటి ద్వారా బాధిత ప్రజల ఆకలి తీరుతుంది. ఇప్పుడు అదే తరహాలో హెలికాప్టర్ మనీ ఇవ్వాలని కేసీఆర్ ప్రతిపాదించారు. అంటే.. హెలికాప్టర్ నుంచి డబ్బులు జారవిడవాలని కాదు. ఆర్థిక సంక్షోభం తలెత్తిన ప్రస్తుత పరిస్థితుల్లో ఆర్థిక కార్యకలాపాలు నిలిచిపోకుండా కొంత మొత్తాన్ని మార్కెట్ లోకి పంపించడాన్నే హెలికాప్టర్ మనీ అంటారు.
రిజర్వుబ్యాంకు తన వద్ద నిధులను వివిధ మార్గాల్లో మార్కెట్లోకి పంప్ చేస్తుంది. దీంతో ఆర్థిక కార్యకలాపాలు పెరగడం ద్వారా వృద్ధిరేటు పడిపోకుండా ఉంటుంది. ఆర్థిక సంక్షోభం తలెత్తినప్పుడు, ఒక దేశం వృద్ధిరేటు ఘోరంగా పడిపోయినప్పుడు ఈ విధానాన్ని అనుసరిస్తుంటారు. 2016లో జపాన్ దీనినే అనుసరించింది. ఇక క్యూఈ విధానం వేరు. ఇందులో ప్రభుత్వాల నుంచి బాండ్లను తీసుకుని రిజర్వు బ్యాంకు నగదు ఇస్తుంది. తద్వారా మార్కెట్ లో నగదు సర్క్యులేట్ అవుతుంది. ఆర్థిక సంక్షోభం వంటి పరిస్థితులు ఎప్పుడు తలెత్తినా ఈ రెండు విధానాలూ చర్చకు వస్తాయి.
మరి ప్రస్తుతం కేసీఆర్ ప్రతిపాదించినట్టుగా హెలికాప్టర్ మనీ వచ్చే వీలుందా? దేశ జీడీపీలో 5 శాతం.. అంటే దాదాపు పది లక్షల కోట్లను ఇవ్వాలని కేసీఆర్ కోరారు. రిజర్వు బ్యాంకు వద్దనున్న మిగులు నిధులనే ఈ రూపంలో ఇవ్వాలి. కానీ ప్రస్తుతం అంత మొత్తం ఆర్బీఐ వద్ద ఉందా అనేది సందేహమే. గతంలో ఏ ప్రభుత్వమూ చేయని విధంగా మోదీ సర్కారు ఆర్బీఐ వద్దనున్న 1.75 లక్షల కోట్లను మళ్లించుకుని సంక్షేమ పథకాలకు ఖర్చు పెట్టేసింది. పైగా ఇటీవల కరోనా ప్యాకేజీ కింద 1.70 లక్షల కోట్లను ప్రకటించింది. దీంతో ప్రస్తుతం కేంద్రం వద్ద కూడా నయా పైసా లేదు. దీంతో మనీ హెలికాప్టర్ ఎక్కే అవకాశం ఏమీ కనిపించడంలేదు.
673624 481535I like the way you conduct your posts. Hmm 982569
801829 47891Glad to be one of a lot of visitants on this wonderful internet site : D. 464939
90152 161137Hello! I simply want to make a enormous thumbs up with the wonderful info youve here during this post. We are returning to your weblog for additional soon. 180949
549528 176526Hi, you used to write superb posts, but the last several posts have been kinda boring I miss your wonderful posts. Past couple of posts are just a bit bit out of track! 755115