టాలీవుడ్ జక్కన్న రాజమౌళి దర్శకత్వంలో ఒక్క సినిమా చేస్తే చాలా ఆ హీరో జాతీయ స్థాయిలో హీరోగా స్టార్‌డం దక్కించుకోవడంతో పాటు అయిదు ఆరు సంవత్సరాల పాటు వరుసగా చిత్రాలు చేస్తూ బిజీగా ఉంటాడు. అందుకు జక్కన్న సినిమాలో ఒక్కసారి అయినా నటించాలని స్టార్ హీరోల నుండి కామెడియన్స్‌ వరకు అంతా కూడా ఎంతో ఆశపడతారు. అయితే జక్కన్న దర్శకత్వంలో చేసే అవకాశం మాత్రం అంత సులభంగా రాదు.
జక్కన్న రెండు మూడు సంవత్సరాలకు ఒక్క సినిమా చేస్తున్న కారణంగా ఆయన దర్శకత్వంలో నటించే అవకాశాలు చాలా తక్కువ మంది హీరోలకు వస్తున్నాయి. అలాంటి అవకాశం రామ్‌ పోతినేనికి రాబోతున్నట్లుగా సినీ వర్గాల ద్వారా సమాచారం అందుతోంది. ప్రస్తుతం రెడ్‌ అనే చిత్రంలో నటిస్తున్న రామ్‌ ఆ తర్వాత మరో సినిమాకు కమిట్‌ అయ్యాడు. ఈ రెండు చిత్రాల తర్వాత ఈయన రాజమౌళి దర్శకత్వంలో నటించబోతున్నాడు అంటూ సినీ వర్గాల్లో ప్రచారం జరుగుతోంది.
రాజమౌళి ప్రస్తుతం ఆర్‌ఆర్‌ఆర్‌ చిత్రాన్ని చేస్తున్న విషయం తెల్సిందే. ఆ సినిమా వచ్చే ఏడాది సంక్రాంతికి విడుదల కాబోతుంది. అప్పటి వరకు జక్కన్న మరో సినిమా గురించి ఆలోచించక పోవచ్చు. సినిమా విడుదల తర్వాత కూడా కనీసం ఆరు నెలలు అయినా జక్కన్న విశ్రాంతి తీసుకుంటాడు. అంటే వచ్చే ఏడాది ద్వితీయార్థంలో జక్కన్న తదుపరి చిత్రం మొదలయ్యే అవకాశం ఉంది. మరి అప్పుడు రామ్‌తోనే జక్కన్న సినిమా తీస్తాడా అనేది చూడాలి.
ఒకవేళ ఈ వార్త నిజం అయితే మాత్రం ఖచ్చితంగా రామ్‌ కెరీర్‌కు టర్నింగ్‌ పాయింట్‌ అవుతుందని నెటిజన్స్‌ అభిప్రాయం వ్యక్తం చేస్తున్నారు. వందల కోట్ల బడ్జెట్‌తో సినిమాలు చేస్తున్న జక్కన్న తన తదుపరి చిత్రాన్ని 50 కోట్ల బడ్జెట్‌తో చేయాలని భావిస్తున్నాడట. అందుకే రామ్‌ ను ఎంచుకున్నాడని ప్రచారం జరుగుతోంది. రామ్‌ కాకుంటే రానాతో అయినా జక్కన్న మూవీ ఉంటుందనే ప్రచారం జరుగుతోంది.
589456 497866How may be the new year going? I hope to read more fascinating posts like last year 984358
393422 908334I real delighted to locate this internet site on bing, just what I was seeking for : D also bookmarked . 120232
973311 502572Woh I like your posts , saved to fav! . 482115